Улаанбаатарт 267, долоон аймагт 18, нийт 285 тохиолдол бүртгэгдлээ

2021-03-25 505 0

ХӨСҮТ-өөс коронавируст халдварын нөхцөл байдал, өнгөрсөн нэг хоногт улсын хэмжээнд хийгдсэн шинжилгээний дүнг танилцууллаа.

ХӨСҮТ-ийн Тандалт, судалгааны албаны дарга Ж.Байгалмаа:

“Сүүлийн хоногт 16 лабораторид 13,456 хүнд хийсэн коронавирусийн халдвар илрүүлэх шинжилгээний явцад 285 хүнээс халдвар илэрсэн. Нийт халдварын тоо 5895 болж байна. Илэрсэн 285 тохиолдлын 267 нь Улаанбаатарт бүртгэгдсэн бол орон нутагт нийт 18 тохиолдол батлагдлаа.

Тодруулбал, Завханд нэг, Баянхонгорт нэг, Дорноговьд хоёр, Орхонд гурав, Архангайд хоёр, Дархан-Уулд долоо, Төв аймагт хоёр тохиолдол шинээр бүртгэгдлээ. Сүүлийн хоногт 97 хүн эмчлэгдэн эмнэлгээс гарснаар нийт эдгэрсэн хүний тоо 4044 боллоо. 

Өнөөдрийн байдлаар нийт 1391 хүн эмчлүүлж байгаагаас биеийн байдал нь хөнгөн 1169, хүндэвтэр 195, хүнд 21, нэн хүнд 6 хүн байна.

Халдварын нөхцөл байдал улс орон даяар улам хүндэрч байна. Эдийн засгаа эрчимжүүлэх эрүүл мэндээ хамгаалах бодлогыг зэрэг явуулж байгаа. Гэсэн ч дэлхий дахинд халдварыг бууруулах хамгийн үр дүнтэй арга нь хөл хорио тогтоох байгаа. Иргэд нийгмийн харилцаагаа багасгаж, халдвар хамгааллын дэглэмээ чанд сахиарай. Ингэснээр хөл хорио тогтоохгүй халдварыг хумих боломжтой” гэлээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

D вирусийн халдвартай иргэдийн эмийн зардлыг улсын төсвөөс хариуцна

Өнөөдрийн Засгийн газрын хуралдаанаас Гепатитын D вирусийн халдвартай иргэдийн эмийн зардлыг холбогд

2024-06-06

Төслийн хүрээнд 40 орчим мянган хүүхдийг харааны үзлэгт хамруулна

Орбис олон улсын байгууллага болон Боловсролын ерөнхий газар хамтран цэцэрлэг, сургуулийн хүүхдийн н

2024-05-23

Салхин цэцэг өвчний тохиолдол өмнөх оны мөн үеэс 24 хувиар өсжээ

2024 оны эхний дөрвөн сарын байдлаарх нийгэм, эдийн засгийн үзүүлэлтүүдийг Үндэсний Статистикийн Хор

2024-05-17