Баянхонгор аймагт халдварын нэг тохиолдол бүртгэгдэж, улбар шар түвшин рүү шилжжээ

2021-03-25 1252 0

Баянхонгор аймгийн онцгой комиссоос мэдээлэл хийлээ. Тус аймагт коронавирусийн халдварын нэг тохиолдол бүртгэгджээ. Энэ талаар “Өвөрхангай аймгийн Хужирт сумаас Баянхонгор аймагт 20 иргэн нэвтэрсэн. “Сэмжид Хужирт” рашаан сувиллаар үйлчлүүлсэн 5 иргэн үүнд багтаж байгаа юм. Тус сумаас ирсэн иргэдийг тусгаарлах байранд шууд шилжүүлж, шинжилгээг Улаанбаатар хот руу явуулаад байсан.

Энэ шинжилгээний хариу гарч “Сэмжид Хужирт” сувилалд амарсан нэг иргэн коронавирусийн халдвар авсан нь батлагдаж манай аймаг улбар шар түвшин рүү шилжлээ.

68 настай иргэн нь энэ сарын 15-21-ний хооронд тус рашаан сувилалд амарсан байна. Эрүүл мэндийн байгууллагаас нэгдсэн эмнэлгийн тусгаарлан эмчлэх тасагт шилжүүлж эмчилгээг эхлүүлээд байна. Одоогоор биеийн байдал хэвийн.

Аймгийн төвийн сургууль цэцэрлэгийн үйл ажиллагааг зогсоож, архи согтууруулах ундаа худалдан борлуулах, түүгээр үйлчлэхийг хориглолоо. Мөн төрийн болон үйлчилгээний байгууллагуудыг тусгай цагийн горимд шилжүүлэн ажиллуулахаар шийдвэрлэв.

Иймд иргэд халдвар хамгааллын дэглэмийг нарийн баримтлан аль болох гэртээ байхыг аймгийн Онцгой комиссоос анхааруулж байна” хэмээн мэдэгдлээ.  

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Х.Нямбаатар: “Aqua garden” хотхоныг нураах шүүхийн шийдвэр гарчихвал бид нураахад бэлэн байна

Сэлбэ голын үерийн далан 2023 оны долоодугаар сарын 5-ны өдөр сэтэрч ойр орчмын орон сууцны хотхонуу

2024-06-20

Золгүй үйл явдлаар улс төр хийж буй АН-ыг энэ бусармаг үйл ажиллагаагаа зогсоохыг шаардаж байна

МАН-ын Сонгуулийн төв штабаас Өвөрхангай аймгийн Сант суманд болсон золгүй явдалтай холбоотойгоор Г.

2024-06-18

Унгирал хийсгэдэггүй улиангар тарих аргыг нээсэн хүн нь Мөнгөн арслан

Хавар, зуны хэдэн сар хотын гудамжаар дүүрэн “модны цагаан юм” хийсч, хүмүүсийн ам хамар руу орж,

2024-06-18