Өөрөө очиж уулзсан тул дуучин Д.Болдыг эрэн сурвалжлах ажлыг зогсоожээ

2021-03-22 1386 0

Төрийн соёрхолт дуучин Д.Болдыг эрэн сурвалжилж байгаа талаар Цагдаагийн ерөнхий газраас цахим хуудаснаа нийтэлж, энэ мэдээлэл өчигдөр цахим орчинд тарсан.

Тэгвэл дуучин Д.Болд өөрийн сошил хуудаснаа “Би өргөө гэртээ “Ододтой бүжиглэе” шоу үзээд хэвтэж байна шүү” хэмээн бичсэн.

Гэртээ байгаа хүнийг ямар учраас эрэн сурвалжилж байна гэж нийтэлсэн болохыг ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүүгээс тодруулахад “Иргэний гомдол, шүүхийн захирамж, эрүүгийн хэрэгт эрэн сурвалжлах зэрэг олон зүйл ангиллаар шүүхийн шийдвэрийн дагуу цагдаагийн байгууллага эрэн сурвалжлах ажиллагаа явуулдаг. Дуучин Д.Болдын тухайд ХУД-ийн шүүхээс эрэн сурвалжлах ажлыг цагдаагийн байгууллагад даалгасан. Энэ журмын дагуу шүүхээс тухайн хариуцагчийг оршин суугаа хаяг дээрээ байхгүй тохиолдолд шүүхээс цагдаад даалгадаг. Энэ хүрээнд хийгдсэн ажил юм.

Ингээд мэдээлэл гарсан даруйд дуучин Д.Болд ирж уулзаад, эрэн сурвалжлах ажил зогссон байгаа. Улсын хэмжээнд эрэн сурвалжилж байгаа тухай мэдээлэл бол дотоод сан болон ЦЕГ-ын сайт дээр тавигддаг” гэлээ. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“Утгын чимэг” наадмын тэргүүн өгүүллэгийг хүргэж байна

Оны шилдэг богино өгүүллэг шалгаруулах “Утгын чимэг-2024”  наадам амжилттай болж өндөрлөлөө. Энэ жил

2025-02-10

“Утгын чимэг-2025” наадмын сүүлийн шатанд шалгарсан өгүүллэгүүд

“Утгын чимэг-2025” оны шилдэг богино өгүүллэг шалгаруулах наадмын сүүлийн шатны шалгаруулалт хоёрдуг

2025-01-28

Асашёорюүгийн үеэл дүү Хошорюү С.Бямбасүрэн ёкозүна цол хүртэхээр боллоо

Энэ оны анхны башё болох Хацү башё өчигдөр/2025.01.26/ өндөрлөж, түрүү бөхөөр Хошорюү С.Бямбасүрэн т

2025-01-27