Эрүүл мэндийн яамны өнөөдрийн ээлжит мэдээллээр коронавируст халдварын 148 тохиолдол бүртгэгдсэнийг мэдээллээ.
ХӨСҮТ-ийн Тандалт, судалгааны албаны дарга Ж.Байгалмаа “Сүүлийн хоногт 15293 хүнд хийсэн коронавирусийн халдвар илрүүлэх шинжилгээний явцад 148 хүнээс халдвар илэрсэн. Ингэснээр нийт халдварын тоо 4806 болж байна.
Дотоодын халдварын 148 тохиолдлын 143 нь Улаанбаатарт, 5 нь Хөвсгөл аймагт бүртгэгдсэн. 143 халдвар авсан хүнээс 137 нь ойрын хавьтал байна. Үлдсэн 11 хүний халдвар авсан эх уурхайг тогтоохоор ажиллаж байна.
Сүүлийн хоногт 55 хүн эмчлэгдэн эмнэлгээс гарснаар нийт эдгэрсэн хүний тоо 3351 боллоо. Өнөөдрийн байдлаар нийт 1359 хүн эмчлүүлж байгаагаас биеийн байдал нь хөнгөн 1200, хүндэвтэр 146, хүнд 9, нэн хүнд 3 хүн байна.
Халдварын нөхцөл байдал өдөр ирэх тутам хүндэрч байгаа. Тиймээс хувь хүмүүс нийгмийн харилцаагаа багасгах хэрэгтэй” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй