АН-ын ҮБХ-ны гишүүний болон аймаг, нийслэл, дүүргийн намын даргын сонгууль өчигдөр буюу 2021 оны гуравдугаар сарын 17-ны өдөр цахимаар явагдаж, намын 56985 гишүүн цахимаар санал өгч оролцсон байна.
Сонгуулийн дүнг өнөөдөр АН-ын “4:11” уулзалтаар танилцуулав.
Нийслэлийн АН-ын даргаар хотын дарга асан Э.Бат-Үүл, Хан-Уул дүүргийн АН-ын даргаар Б.Анхныбаяр, Багануур дүүргийн АН-ын даргаар Б.Сайнзаяа, Сонгинохайрхан дүүргийн АН-ын даргаар Д.Цогтбаатар, Чингэлтэй дүүргийн АН-ын даргаар Ж.Сугарсүрэн, Дархан-Уул аймгийн АН-ын даргаар Д.Жаргалсайхан, Сэлэнгэ аймгийн АН-ын даргаар Б.Идэрзориг нар тус тус сонгогджээ.
Мөн ирэх дөрөвдүгээр сарын 25-нд АН-ын даргыг сонгох сонгуулийг цахимаар явуулна. Нэр дэвшигчдийг маргааш буюу гуравдугаар сарын 19-нд бүртгэж, нийт гишүүдийн дунд сунгаа явуулна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй