Эрүүл мэндийн сайд асан Т.Мөнхсайхан Гэмтэл, согог судлалын үндэсний төвд /ГССҮТ/ зөвлөх эмчээр ажиллаж байна. Тэрээр сайдын албан тушаалаас бууснаас хойш хэсэг завсарлаад өнгөрсөн долоо хоногт ажилдаа оржээ.
Т.Мөнхсайхан өвдөг түнхний үений дурангийн мэс заслыг Монгол Улсад нэвтрүүлсэн бөгөөд энэ мэргэжлээрээ ГССҮТ-д арван жил ажилласан юм. Мөн энэ чиглэлээрээ залуу эмч нарыг бэлтгэснээр өвдөг түнхний үений дурангийн мэс заслыг ГССҮТ-өөс гадна Улсын нэгдүгээр төв эмнэлэгт нутагшуулсан байна.
Тэрээр 2016 оноос ГССҮТ-ийн ерөнхий захирал, 2019 оноос УНТЭ-ийн ерөнхий захирлаар ажиллаж байгаад Эрүүл мэндийн сайдаар томилогдсон билээ. Эмнэлгийн даргаар томилогдсон ч долоо хоног тутамд мэс засал хийж байсан бол одоо үндсэн мэргэжлээрээ ажиллаж эхэлжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй