ОХУ-аас Монгол Улсад олгох тэтгэлгийн тоог нэмэгдүүлж, 550 квот болгожээ

2021-03-09 423 0

Боловсрол, шинжлэх ухааны сайд Л.Энх-Амгалан өнөөдөр ОХУ-аас Монгол Улсад суугаа Онц бөгөөд Бүрэн эрхт Элчин сайд И.К.Азизовтой уулзав.

Манай хоёр орны боловсролын салбарын хамтын ажиллагааны хүрээнд 9 баримт бичиг хүчин төгөлдөр хэрэгжиж байна. Уулзалтын үеэр эдгээр баримт бичгийн хэрэгжилтийг хангах чиглэлд анхаарч, эрчимжүүлэхээр болов.

ОХУ-ын зургаан багш орон нутагт орос хэлний хичээлийг зайнаас зааж байна. Хоёр тун вакцин тариулж, тусгаарлалтад долоон хоног байх зөвшөөрөл олговол багш нар орон нутагт нь очиж танхимаар хичээл заах хүсэлтэй байгааг Элчин сайд уламжиллаа.

Тусгай хэрэгцээт боловсролын тогтолцоог бэхжүүлэх, хөгжүүлэх зорилгоор хойд хөршид жилд 33 хүнийг бэлтгэхээр тохиролцсон ч цар тахлын улмаас түр зогсонги байдалд орсон хэдий ч энэхүү хамтын ажиллагаа цаашид үргэлжлэх юм.

Хоёр улсын хамтарсан дунд сургууль байгуулах асуудал судалгааны шатандаа үргэлжилж байна. Ажлын хэсгийн гишүүд ойрын үед сургууль барих газартай танилцах шаардлагатай байгааг ноён Элчин сайд дуулгаад дээд сургууль байгуулах чиглэлд ч хамтрах боломж байгааг онцоллоо.

Үүнээс гадна ОХУ-ын Засгийн газраас сүүлийн хоёр жилд дараалан Монгол Улсад олгох тэтгэлгийн тоог нэмэгдүүлж, 550 квот болгосон. Тус улсад суралцах оюутныг энэ тоонд багтаах талаар талууд ярилцлаа.

Уулзалтын үеэр Боловсрол, шинжлэх ухааны сайд гарааны бизнесийг хөгжүүлэх, амжилтад хөтлөх арга туршлагаасаа хуваалцахыг ОХУ-ын талаас хүслээ. ОХУ-ын тухайд цар тахлын эхний үед бага ангийн хичээлийг танхимаар явуулж, дунд болон ахлах ангийнхан зайнаас суралцаж байсан бол одоо танхимын хичээлээ жигдрүүлсэн. Тиймээс цахим хичээлийн хүртээмж, агуулгыг сайжруулах чиглэлд туршлагаасаа нэвтрүүлэх, хоцрогдол нөхөх чиглэлд дэмжлэг үзүүлэхийг салбарын сайд хүслээ.

Мөн талууд уулзалтын үеэр вакцинтай холбоотой мэдээлэл солилцсон юм. “Спутник V” вакциныг дэлхийн 45 улс хүлээж аваад байна. Үүний нэг нь манай улс юм. Манай улсын тухайд ирэх долоо хоногт багш нарыг вакцинжуулалтад хамруулахаар төлөвлөж байгаа. Цаашид вакцин дахин нийлүүлэх боломж байгаа гэсэн учир Засгийн газрын түвшинд ярилцахаар тохирлоо.   

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Ховд аймагт “Тусгай зориулалтаар угалз, тэх, зэрлэг гахай агнуулах зөвшөөрөл олгох” нээлттэй дуудлага худалдаа зарлажээ

Ховд аймагт "Тусгай зориулалтаар угалз, тэх, зэрлэг гахай агнуулах зөвшөөрөл олгох" нээлттэй дуудлаг

2024-04-13

УЕПГ: УИХ-ын нэр бүхий гишүүн14 настай хүүхдийг хүчирхийлсэн гэх хэрэг бүртгэгдээгүй

Цахим орчинд “УИХ-ын гишүүн 14 настай охин хүчиндсэн гэх хэрэгт холбогдож, Нийслэлийн прокурорын шат

2024-04-13

Хүчтэй салхи, шороон шуурга шуурч, ихэнх нутгаар эрс хүйтрэхийг анхааруулж байна

Цаг агаарын аюултай үзэгдлээс сэрэмжлүүлэх мэдээ: 13-14-нд шилжих шөнө Сэлэнгийн өмнөд, Төв аймгийн

2024-04-13