Шадар сайд С.Амарсайхан 2021 оны долдугаар сар гэхэд насанд хүрсэн бүх хүн буюу 2 сая иргэнээ вакцинжуулах дарааллыг танилцууллаа.
- -Халдварын голомт болсон Улаанбаатар хотод амьдарч буй 1 сая иргэнийг 3, 4 сард
- -Ногоон бүс буюу орон нутгийн иргэдээ 5, 6 сардаа багтаан вакцинжуулна.
Мөн тэрээр “Ирэх долоо хоногоос эхлэн олон хүнтэй харьцдаг худалдаа, үйлчилгээ байгууллагын 40 мянга гаруй иргэддээ вакцин хийнэ. Нарантуул, Хархорин, Барс, Хүчит шонхор зэрэг томоохон захууд, хүнсний дэлгүүрийн ажилчид хамрагдана. Хөдөө орон нутгаас ирж байгаа иргэд ихэвчлэн эдгээр томоохон зах, дэлгүүрүүдээр үйлчлүүлдэг учраас орон нутагт халдвар тархахгүй байхад анхаарч байна. Мөн нийтийн тээврийн 7000 жолооч нарыг мөн вакцинд хамруулна.
Дөрөвдүгээр сарын 1-ээс эхлэн ЕБС-ийн хичээлийг эхлүүлэх төлөвлөгөөтэй байгаа учраас гуравдугаар сарын 15-аас эхлэн Улаанбаатар хотын 45 мянган багш, албан хаагч нарыг вакцинд хамруулна” гэв.
Сард дунджаар 500 мянган хүнийг вакцинжуулахаар төлөвлөжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй