Европын Холбоо Британийн AstraZeneca компанитай зарга үүсгэжээ

2021-03-05 605 0

Европын Холбоо гэрээний дагуу амласан вакцинаа нийлүүлж чадахгүй байгаа Британийн AstraZeneca компанитай зарга үүсгэжээ. Тус компани өчигдөр Италийн нийслэл Ромын ойролцоох үйлдвэрээсээ 250 мянган тун вакциныг Австрали руу экспортлох гэж байсныг Европын Холбоо зогсоосон байна.

AstraZeneca компани энэ оны эхний улиралд 90 сая тун вакцин Европын Холбоонд нийлүүлэх гэрээ байгуулсан ч 40 саяыг нь нийлүүлэх боломжтой байгааг нэгдүгээр сард мэдэгдсэн юм.

Хоёрдугаар улиралд нийлүүлэх вакцины хэмжээгээ ч бас 50 хувиар бууруулахаар болсон байна. Вакцины нийлүүлэлтэд ийнхүү бэрхшээл гарсантай холбоотой Европын Холбоо нэгдүгээр сарын 30-аас гуравдугаар сарыг дуустал хугацаанд өөрийн гишүүн орнуудаас вакцин экспортлох явдлыг хатуу хянах журам гаргажээ. Европ тивд AstraZeneca-гаас гадна Pfizer, Moderna компаниуд вакцины үйлдвэртэй юм.

Гэрээний үүргээ биелүүлэхгүй байгаа үйлдвэрлэгчдийн вакциныг Европын Холбооноос гаргахыг хориглох журмыг Европын Холбоо хэрэгжүүлж байна.

Журам хэрэгжиж эхэлсэн эхний нэг сарын хугацаанд дэлхийн 29 улс руу коронавирусийн эсрэг вакцин гаргах 150 хүсэлт ирснийг Европын Холбоо хүлээж авахаас татгалзсан байна.

Брюсселийн албаны эх сурвалжийн мэдээлснээр Европын Холбоо вакцины эскпортод хяналт тавих журмаа зургаадугаар сарыг дуустал сунгах магадлалтай байгаа гэнэ.

Эх сурвалж: Reuters

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

D вирусийн халдвартай иргэдийн эмийн зардлыг улсын төсвөөс хариуцна

Өнөөдрийн Засгийн газрын хуралдаанаас Гепатитын D вирусийн халдвартай иргэдийн эмийн зардлыг холбогд

2024-06-06

Төслийн хүрээнд 40 орчим мянган хүүхдийг харааны үзлэгт хамруулна

Орбис олон улсын байгууллага болон Боловсролын ерөнхий газар хамтран цэцэрлэг, сургуулийн хүүхдийн н

2024-05-23

Салхин цэцэг өвчний тохиолдол өмнөх оны мөн үеэс 24 хувиар өсжээ

2024 оны эхний дөрвөн сарын байдлаарх нийгэм, эдийн засгийн үзүүлэлтүүдийг Үндэсний Статистикийн Хор

2024-05-17