Орон нутаг дахь цэцэрлэг, сургуулийн үйл ажиллагааг 03 сарын 01-ний өдрөөс танхимаар эхлүүлнэ

2021-02-26 836 0

Аймаг, сум, тосгон, баг дахь цэцэрлэг, сургуулийн хичээл, сургалтын үйл ажиллагааг гуравдугаар сарын 1-ний өдрөөс танхимаар эхлүүлэх бэлтгэл ажлыг хангаж байна.

Бэлтгэл ажлын хүрээнд Боловсрол, шинжлэх ухааны яам, НҮБ-ын Хүүхдийн сан, “Wash action” ТББ хамтран “Цэцэрлэг, ерөнхий боловсролын сургуулийн орчинд COVID-19 болон халдварт өвчнөөс урьдчилан сэргийлэх бэлэн байдал, хариу арга хэмжээний төлөвлөгөөг хэрэгжүүлэхэд дэмжлэг үзүүлэх” цахим сургалтыг зохион байгуулж байна. Сургалтад аймаг, сумдын цэцэрлэг, сургуулийн 4436 эмч, удирдах ажилтан хамрагдаж байгаа юм.

Өндөржүүлсэн бэлэн байдлын үед Боловсрол, шинжлэх ухааны сайдын баталсан цэцэрлэг, сургуулийн орчинд халдварт өвчнөөс урьдчилан сэргийлэх бэлэн байдал, хариу арга хэмжээний удирдамжийг хэрэгжүүлэх, сургалтын орчныг эрсдэлгүй болгоход зайлшгүй авах арга хэмжээ, хийгдэх ажлуудыг тодорхойлох заавар, зөвлөмж, арга зүйг цахим сургалтаар өгч байна.  

Аймаг, сумдын 770 цэцэрлэгийн 132 мянган хүүхэд, 558 ерөнхий боловсролын сургуулийн 350 орчим мянган хүүхэд танхимаар хичээллэх юм.

Орон нутгийн цэцэрлэг, сургуулийн удирдлага, ажилтнуудад зориулсан цахим сургалт гуравдугаар сарын 4 хүртэл үргэлжилнэ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Монголын анхны орон нутгийн бонд болох “Улаанбаатар хотын бонд”-ын зарцуулалт юу байх вэ?

Өнгөрөгч пүрэв гарагт Монголын анхны орон нутгийн бонд болох Улаанбаатар хотын бондын анхдагч зах зэ

2024-06-22

Өнөөдөр хамгийн урт өдөр, богино шөнө тохиож, нар буцна

Зуны туйл, билгийн тооллын нар буцах улирал эхлэх өдөр өнөөдөр буюу зургаадугаар сарын 22-ны бямба г

2024-06-22

Улаанбаатар хот орчимд шөнөдөө хасах хэмд хүрч хүйтэрнэ

Улаанбаатар хот болон Багануур, Налайх дүүрэг орчмоор үдээс хойш цас үргэлжлэн орох төлөвтэй байна б

2024-06-21