Зарим хороо, гудамжинд хэсэгчилсэн хөл хорио тогтоогоод байна

2021-02-23 545 0

Өнөөдрөөс эхлэн дүүрэг бүрт 2-3 цэг байгуулж, коронавирусийн шинжилгээ авч байна. Нийслэлийн хэмжээнд “Нэг хаалга-Нэг шинжилгээ”-ний ажил дууссан бөгөөд зарим дүүрэг, хорооноос халдвар илэрсэн тул өнөөдөр зарим газарт хэсэгчлэн хөл хорио тогтоолоо.

Тухайлбал,

-ХУД, 4-р хороо, Гарден сити 1301 байр 1-р орц

-ХУД, 4-р хороо, Хангарьд сити Б-блок

-ХУД, 12-р хороо, Сонгино 25-р гудамж 108-114. 1-3. 230-249

-ХУД 12-р хороо, 52-р байр 4-р орц

-ХУД, 12-р хороо, 62-р байр

-ХУД, 12-р хороо, Сонгино 26-р гудамж 249-256

-ХУД, 12-р хороо, Сонгино 29-р гудамж 374. 379. 381-385. 394-401

-ЧД, 19-р хороо, Дээд салхит  1-36-р гудамжинд тус тус хөл хорио тогтоосон байна.

Хотын дарга Д.Сумъяабазар “Халдварын эрсдэл өндөртэй бүсүүдэд дахин “самнах” байдлаар явуулын шинжилгээ зохион байгуулна” гэдгийг хэлсэн юм.

Мөн тэрээр “Нийт байгууллагын 95 хувь нь ажлаа эхлүүллээ. Нөхцөл байдал хэвийн болчихлоо гэж бодож болохгүй. “Нэг хаалга-Нэг шинжилгээ”-ний үр дүнд өвчний тархалтын цар хүрээг олж тогтоох, шинэ голомт илрүүлж, халдвартай иргэдээ ялгаж авч байгаа. Цаашлаад эдийн засгаа сэргээх арга хэмжээг шат дараатай хэрэгжүүлнэ.

Улаанбаатар хотын хэмжээнд халдварын голомтыг хяналтдаа авчихсан. Цаашид эрсдэлтэй бүсүүд дээр нөхцөл байдал хүндэрвэл хэсэгчлэн арга хэмжээ аваад явна.

Бид нэг хэсэгтээ цар тахалтай зэрэгцэн амьдрахаар болж байна. Тэгэхийн тулд иргэд аж, ахуйн нэгжүүд үйл ажиллагаа явуулах дүрэм, журмыг сайтар мөрдөж, халдвар хамгааллын дэглэмээ баримталж ажиллаарай. Харин нийслэл, дүүргийн удирдлагууд хяналт, шалгалт гээд аж ахуйн нэгжийн тусгай зөвшөөрлийг шууд цуцалж болохгүй. Хүнд нөхцөлд арга зүйн зөвлөгөө өгөөд төрийн үүргээ биелүүлэх ёстой. Дэм, дэмэндээ ажиллаж, цар тахлыг даван туулна” гэлээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Самар түүж явсан найман хүний нэг нь сураггүй алга болжээ

Сэлэнгэ аймаг, Ерөө суманд самар түүж явсан найман хүний нэг нь энэ сарын 9-ний 09:40 цагийн орчимд

2023-11-30

Хятадад дэгдээд буй нянгийн гаралтай уушгины хатгаагаар 0-5 насны хүүхдүүд хүндрэх эрсдэлтэй, хүүхдэд чих үрэвсэх шинж тэмдэг илэрч байна

БНХАУ-д хүүхдүүдийн дунд хүнд хэлбэрийн уушгины хатгаа нэмэгдэж буй талаар ХӨСҮТ-ээс мэдээлэл өгсөн.

2023-11-30

ҮСХ: Монгол Улсын хүн ам 2033 онд дөрвөн сая, 2048 онд таван саяд хүрнэ

Монгол Улсын хүн амын тоо, хэтийн тооцоог Үндэсний Статистикийн Хорооноос гаргажээ. Манай улсын х

2023-11-23