Ц.Бархас: Хоёр хүүхдийнхээ зургийг энгэртээ хадгалж, даалгаварт гарахаасаа өмнө заавал үнсдэг байлаа

2021-02-17 750 0

Өнгөрсөн оны дөрөвдүгээр сард “Ард” санхүүгийн нэгдлийн гүйцэтгэх захирал Ч.Ганхуяг  “Аппрентис Монгол ТВ шоунд оролцох хүсэлтэй бол ard.mn сайтаар орж бүртгүүлнэ үү” гэсэн зарыг түгээж байсан бол өнгөрөгч 7 хоногт мэргэшсэн CEO болохыг зорьж явсан нэгэн залуу шоуны ялагчаар тодорч, 200 сая төгрөгийн цалинтай захирлын суудалд тухаллаа.

Америкийн телевизийн “Аппрентис” реалити шоуг продюсер Марк Бернет анх санаачлан хэрэгжүүлж, 2004 оны нэгдүгээр сараас эхний дугаар нь цацагдаж эхэлжээ. Дэлхийн тэрбумтан Дональд Трамп тус шоуны шүүгчээр ажилласан нь түүний талаарх иргэдийн үнэлэмжийг дээшлүүлж, АНУ-ын Ерөнхийлөгчөөр сонгогдоход нь нөлөөлсөн гэж үздэг.

Тэгвэл манай улсын тухайд тус шоунд оролцох хүсэлтээ ирүүлсэн, өндөр боловсролтой, өөртөө итгэлтэй 400 гаруй залуугаас 14-ийг нь шигшин өрсөлдүүлэв. Оролцогчдыг хоёр баг болгон өрсөлдүүлж, старт-ап бизнесийн шинэ санаа, удирдах чадвар, зохион байгуулалт, багийн ажиллагаа, бүтээгдэхүүн борлуулалт, ажлын үр дүнгээр нь ялагч багийг тодруулж байв.

“Аппрентис Монгол” шоуны ялагчаар Ц.Бархас тодорч, 200 сая төгрөгийн цалинтай, Ард Санхүүгийн Нэгдлийн охин компанийн гүйцэтгэх захирлын албан тушаалд очлоо.

Баярт мэдээгээ сонссон даруйдаа гэр бүлдээ очиж, сюрприз барихыг хүссэн түүнд хүүхдүүд нь хамгийн их хүч чадал, урам зоригийг өгч байсан аж. Энэ тухайгаа тэрээр “Тэмцээний туршид би хүүхдүүдийнхээ зургийг өөрөөсөө салгаагүй. Зургаа цүнхэндээ хийчихвэл доогуур шидэгдчих учраас энгэртээ хийчихээд л нандигнаад байсан. Даалгавартаа гарахаасаа өмнө хоёр хүүхдийнхээ зургийг заавал үнсдэг байлаа. Үнсэж, сайн харж аваад буцаагаад л халаасандаа хийчихнэ. Унтахаасаа өмнө ахин нэг харж, үнсдэг байсан. Тэд маань л хамгийн их эрч хүч, урам зориг өгч байсан.

Тэмцээний дүн тодорхой болсны дараа шууд л гэр рүүгээ яарсан. Хэлэхгүйгээр гэнэт очиж, намайг өчнөөн олон хоног хэл чимээгүй хүлээсэн эхнэр, хүүхдүүддээ сюрприз барьж, баярт мөчөө хуваалцахыг л их хүссэн. Энэ бол миний амьдралын хамгийн гайхалтай аялал байсан” хэмээн ярьжээ.

Мөн тэрээр мэргэшсэн СЕО болохыг хүссэн залууст “Нэг гоё үг байдаг даа, “Их ч битгий хий, бага ч битгий хий. Өдөр бүр хий” гэж. 

Ямар нэг ур чадварыг хөгжүүлнэ гэдэг нь урт хугацааны уйгагүй, тасралтгүй хөдөлмөр байдаг. Би хэдийгээр 10 даалгавар биелүүлээд л “Аппрентис Монгол” шоуны ялагч болсон юм шиг амархан харагдаж болох ч нэвтрүүлгийн туршид шаардагдах ур чадварууд дээр өмнө нь олон жил ажиллаж, өнгөлж байж хөгжүүлсэн гэж боддог. Иймд өдөр бүр өөрийгөө хөгжүүлж, тасралтгүй сайжрах хэрэгтэй шүү” гэж зөвлөжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улсын арслан М.Бадарчийн гомдол гаргасан шүүх хурал хойшилжээ

Монголын Олон Улсын ба Үндэсний Спортын Арбитрын шүүх байгууллагаас мэдээлэл хийлээ. Тус байгууллага

2024-02-23

С.Амарсайхан: Зуднаар үхсэн малын махыг зарах асуудал гарсан бол нийгмийн эрүүл мэндийн эсрэг гэмт хэрэгт тооцогдоно

Хаваржилтын нөхцөл байдал, хэрэгжүүлж буй арга хэмжээний талаар УОК-оос мэдээлэл хийлээ. Шадар сайд,

2024-02-22

Маршал Хорлоогийн Чойбалсан 39 размерын гутал өмсдөг байжээ

Хэдхэн хоногийн өмнө буюу 02 дугаар сарын 08-ны өдөр маршал Хорлоогийн Чойбалсаны мэндэлсэн өдөр тох

2024-02-21