Сар шинийн өдрүүдэд салхи шуургатай, хүйтэн байхыг анхааруулж байна

2021-02-09 682 0

2021 оны 2 дугаар сарын 08-наас 2 дугаар сарын 15-ныг хүртэлх 7 хоногийн цаг агаарын урьдчилсан төлөв:

Анхааруулга мэдээ: Ихэнх хугацаанд салхи шуургатай, хүйтэн байхыг анхааруулж байна.

Хур тунадас: 9-нд баруун аймгуудын нутгийн баруун хэсэг, 10-нд баруун аймгуудын нутгийн ихэнх, төвийн аймгуудын нутгийн баруун хэсэг, 11-нд төв болон зүүн аймгуудын нутгийн ихэнх, говийн аймгуудын нутгийн хойд хэсэг, 12-нд төв болон зүүн аймгуудын нутгийн зарим газраар, 13-нд баруун, төв, говийн аймгуудын нутгийн зарим газраар, 14-нд говийн аймгуудын нутгийн зүүн хэсэг, 15-нд баруун болон төвийн аймгуудын ихэнх, говийн аймгуудын нутгийн хойд хэсэг, зүүн аймгуудын нутгийн баруун хэсгээр цас орж, цасан шуурга шуурна.

Салхи: 9-нд Алтайн салбар уулсаар, 10-нд баруун аймгуудын ихэнх, төв болон говийн аймгуудын нутгийн баруун хэсэг, 11-нд баруун болон төвийн аймгуудын нутгийн зарим газар, говь, зүүн аймгуудын ихэнх нутаг, 12-нд  говь, зүүн аймгуудын нутгийн зарим газраар, 15-нд баруун аймгуудын нутгийн зарим газар, төв, говь, зүүн аймгуудын нутгийн ихэнх нутгаар секундэд 14-16 метр, зарим үед секундэд 24 метр, 13,14-нд  Алтайн салбар уулс, Арц Богдын өвөр хоолойгоор секундэд 12-14 метр хүрч шороон шуурга шуурна.

Агаарын температур: 8,9-нд ихэнх нутгаар хүйтний эрч нилээд сулавтар байх боловч 10-нд баруун болон төвийн аймгуудын нутгийн хойд хэсгээр, цаашдаа ихэнх нутгаар хүйтний эрч чангарч Увс нуур болон Дархадын хотгор, Завхан голын эх, Идэр, Тэс, Байдраг, Ерөө голын хөндийгөөр шөнөдөө 33-38 градус, өдөртөө 22-27 градус, Хангай, Хөвсгөл, Хэнтэйн уулархаг нутаг, Орхон, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 29-34 градус, өдөртөө 13-18 градус, Хангайн нурууны өвөр бэл, говийн бүс нутгийн өмнөд хэсэг болон цас багатай энгэр ээвэр газраар шөнөдөө 10-15 градус, өдөртөө 4-9 градус, бусад нутгаар шөнөдөө 26-31 градус, өдөртөө 10-15 градус хүйтэн байна.

Эх сурвалж: Цаг уур, орчны шинжилгээний газар

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Ж.Ганбаатар: Манай улс шатахууны хоригт орсон эсэх нь ойрын хоёр хоногт тодорхой болно

Нийгмийн сүлжээнд цацагдаад буй "ОХУ-ын Засгийн газар дотоодын зах зээлээ тогтворжуулах үүднээс ху

2023-09-22

“Хүүхэд хордсон”-той холбоотойгоор 18 дугаар сургууль цахимаар хичээллэнэ

Хан-Уул дүүргийн 18 дугаар сургуулийн зургадугаар ангийн 21 сурагч толгой эргэж, бөөлжиж, суулгасан

2023-09-22

Мандал сумын орлогч дарга Л.Мөнхбатад таван жилийн хорих ял оноожээ

Сэлэнгэ аймгийн Мандал сумын орлогч дарга Л.Мөнхбат Чежү аралд ажлын айлчлал хийж байх үедээ бэлгий

2023-09-22