Үлгэр жишээ СӨХ-г шалгаруулах болзолт уралдаан зарлагдлаа

2021-02-02 470 0

Улаанбаатар хотын Захирагчийн ажлын албанаас коронавирусийн халдвараас урьдчилан сэргийлэх ариутгал, халдваргүйжүүлэлтийг үлгэр жишээ хэрэгжүүлсэн Сууц өмчлөгчдийн холбоо /СӨХ/-г шалгаруулах болзолт уралдааныг зарлалаа. Болзолт уралдаанд нийслэлийн есөн дүүргийн 1234 СӨХ оролцох боломжтой юм.

Нийслэлийн зүгээс болзолт уралдаанд оролцож буй СӨХ-дод хамтын оролцоотойгоор коронавирусийн халдварыг таслан зогсоох, урьдчилан сэргийлэх уриалгыг хүргүүлж байна. Тиймээс орон сууцны орц, хонгил, цахилгаан шат, зоорийн давхар, хаалганы бариул,  техникийн өрөө зэрэгт тогтмол ариутгал, халдваргүйжүүлэлт хийх, зориулалтын ариутгалын бодисын дэмжлэг үзүүлэхээр болжээ. 

Улаанбаатар хотын Захирагчийн ажлын албанаас иргэдийн хамтын оролцоот болзолт уралдааны шалгуур үзүүлэлтийг хангасан шилдэг 20 СӨХ-г шалгаруулна. Байр эзэлсэн холбоог тохижилт, бүтээн байгуулалтын дэмжлэг болон мөнгөн шагналаар урамшуулна. 

Үүнд, насжилт өндөртэй хуучин орон сууцны байруудыг улс, нийслэлийн хөрөнгө оруулалтын судалгаанд хамруулж дээвэр, фасад, лифт засварлах, нийтийн эзэмшлийн болон тоглоомын талбайн тохижилт, ногоон байгууламжийг шинээр бий болгох, засварлахад нь  дэмжлэг үзүүлэх аж. Мөн Монголын сууц өмчлөгчдийн холбооны дээд зөвлөлөөс СӨХ-дод халуун хэмжигч үнэ төлбөргүй ариутгал, халдваргүйжүүлэлт хийж өгөх юм. 

Болзолт уралдаан өнөөдрөөс /2021.02.01/ эхэлсэн бөгөөд нэг сарын хугацаанд үргэлжилнэ. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

М.Бадарч: Монгол наадам, монгол бөхийн ногоон дэнж сэвгүй ариун байх болтугай

Энэ жилийн баяр наадмын түрүү бөх болсон М.Бадарчийн барилдах эрхийг 2027 оны долдугаар сарын 12-ны

2023-09-28

Өнөө шөнө Баян-Өлгийн зүүн хэсэг, Ховдын нутгаар, маргааш өдөр Завхан аймгийн нутгаар их хэмжээний цас орно

Малчид, иргэд, хадланчид, тариаланчдын анхааралд: Өнөө, маргаашдаа баруун аймгуудын нутгаар нойт

2023-09-27

Сэрэмжлүүлэг: 33 настай эмэгтэй бага насны 3 хүүхдийн хамт угаартаж нас баржээ

Цагдаагийн байгууллагад энэ сарын 26-ны өдөр буюу өчигдөр Баянзүрх дүүргийн 8 дугаар хороонд 33 нас

2023-09-27