Монгол Улсын Засгийн газрын 2016-2020 оны үйл ажиллагааны хөтөлбөрийн 2.11-д “Чөлөөт бүсүүдийн үйл ажиллагааг эрчимжүүлж, гадаад, дотоодын хөрөнгө оруулалтыг дэмжиж ажиллана” хэмээн заасан.
Энэ дагуу чөлөөт бүсүүд, тэр дундаа “Замын-Үүд” чөлөөт бүсийн үйл ажиллагааг эрчимжүүлэхээр ажлаа эхлүүлж, бүсийн шинэхэн захирагчаар бүсгүй хүнийг сонгожээ. МАН-ын Хэвлэл мэдээллийн газрын дарга А.Энхзул “Замын-Үүд” чөлөөт бүсийн захирагчаар томилогдсон байна.
А.Энхзул нь УИХ-ын гишүүн асан З.Алтайгийн ганц охин. Тэрээр “25 дугаар суваг” телевизийг анх байгуулагдсан үеэс эхлээд хөгжмийн нэвтрүүлэг хөтөлдөг байсан билээ. Улмаар гадаад харилцааны ажилтан, дэд захирлын алба хүртэл хашиж байгаад МАН-ын Хэвлэл мэдээллийн газрын дарга болсон. Харин өдгөө 25 жил хүлээгдэж буй “Замын-Үүд” чөлөөт бүсийг захирах нь ээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй