Цаг цагаараа, цахилдаг хөхөөрөө байдаггүй хойно “Адгийн тэнэг авгайгаа магтана“ гэх үг аль хэдийн халагдаж, энэ биеэ эхнэрээрээ чимэх мода дэлгэрээд удаж байна. Урлагийнхан ч энэ модаг дагаж, эр биеэ төдийгүй уран бүтээлээ эхнэрээрээ чимдэг болсон. Дуучин Заяаг нэвтрүүлэгч Одзаяагийн нөхөр гэдгийг бид мэднэ.
Тэгвэл тэрээр “Зөрүүдхэн минь“ дууныхаа клипэнд эхнэрээ тоглуулан “Эхнэр маань зөрүүд хүн л дээ. Тийм болохоор өхөөрдөөд “Зөрүүдхэн минь” гэж дуугаа нэрлэсэн” хэмээн тайлбар хийж байв.
Мөн “Яг түүн шиг-3“ шоуны ялагч Накигийн “Wonder” нэртэй дууг хэлж болох нь. Тэрээр мөн л клипэндээ эхнэрээ “тоглуулжээ”. Тэд Азийн орнуудаар хамтдаа аялсан зураглалаа ашигласан нь түүний клипний онцлог байсан.
Наки буюу Нацагдорж МУГЖ Ариунаа, Сарантуяа, Төрийн соёрхолт Болд болон Ука, Цэлмүүн, Хишигдалай, “Камертон”, “Гурван охин” зэрэг олон хамтлаг дуучдын уран бүтээл дээр ажилласан хөгжмийн зохиолч, хөгжмийн найруулагч.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй