Нийслэлийн онцгой комиссын Шуурхай штабаас 24 цагийн нөхцөл байдал, хэрэгжүүлсэн арга хэмжээнүүдийн талаар мэдээллээ.
НОК-ийн шуурхай штабын удирдлагын багийн гишүүн Э.Эрдэнэбаатар “Нийслэлийн дүүргүүдэд тандалт судалгаа хийх зорилгоор шинжилгээний цэгүүдийг байгуулан ажиллаж байна. Шинжилгээ хийсэн хугацаанд халдвартай тохиолдол илрээгүй байна.
УОК-оос өгсөн үүрэг чиглэлийн дагуу 12 сарын 11-ний өдрөөс хойш бүх нийтийн бэлэн байдлыг үргэлжлүүлэн сунгах эсэх, ААН-ийн үйл ажиллагааг хэсэгчлэн нээх эсэхтэй холбогдуулан нийслэлийн Онцгой комиссын шуурхай штаб болон холбогдох мэргэжлийн багийн хамтарсан ажлын хэсэг ажиллаж байна.
Эхний ээлжид үйл ажиллагааг нь нээх ААН-ийн тооцоо судалгаа, саналыг судалж, мөрдөх түр зааврыг боловсруулж байна. Маргааш буюу 12 сарын 7-ны өдөр УОК-т урьдчилсан байдлаар саналаа хүргүүлнэ” гэлээ.
Мөн нийслэлд батлагдсан тохиолдол бүртгэгдэх үед ойрын хавьтлуудын зураглалыг гаргаж, холбогдох ажлыг хийж байгаа аж. Тухайлбал, И-март компанийн 385, Баянзүрх захын 336 ажилтнаас тандалтын зорилгоор шинжилгээ авсан байна. Хариу нь одоогоор гараагүй байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй