Ухань хотоос ирсэн оюутнуудын шинжилгээний хариу “сөрөг” гарчээ

2020-02-03 1582 0

Монгол Улсын Засгийн газрын шийдвэрээр шинэ коронавирүсын дэгдэлтийн улмаас БНХАУ-ын Ухань хотод хорио цээрийн дэглэмд ороод байсан 31 иргэнийг хүсэлтийнх нь дагуу эх оронд нь авчраад байгаа билээ. Оюутнуудыг авчрах тусгай үүргийн онгоц 2020 оны 01 дүгээр сарын 31-ний өдрийн 23:00 цагт Ухань хот руу нисэж, 02 сарын  01-ний 10:19 минутад Улаанбаатарт газардсан. Агаарын хөлгийг КОД 9 зарчмын дагуу тусгай хамгаалалтын ариун цэврийн талбайд буулгаж, халдвараас сэргийлэх дэглэмийн дагуу халдвартай /улаан/, завсрын /шар/, халдваргүй /ногоон/ бүсүүдийг тогтоон, үзлэг хяналт шалгалтыг зохион байгуулсны эцэст ХӨСҮТ-д шилжүүлсэн. Энэхүү ажиллагаанд зарцуулагдах 53.000 ам.долларын санхүүжилтийг Засгийн газрын нөөц сангаас гаргасан юм.

ХӨСҮТ-ийн захирал Д.Нямхүүгийн мэдэгдсэнээр халдварын голомт Ухань хотоос ирсэн иргэдээс авсан  эхний шинжилгээний хариу “сөрөг” гарсан ба тэднээс шинэ төрлийн коронавирүс илрээгүй байна. Энэ оны 01 сарын 09-ний өдрөөс 02 сарын 03-ныг хүртэлх хугацаанд ХӨСҮТ-өөс нийт 71 сэжигтэй тохиолдлыг бүртгэн тандалт судалгаа, шинжилгээ хийхэд хариу нь сөрөг гарчээ. Мөн иргэдэд гараа тогтмол угаах, амны хаалт зүүхээс гадна гар утсаа тогтмол ариутган цэвэрлэж байх зөвлөмжийг өгөв. Гар утсанд асар их бохирдол бий болсон байдаг ба хүн өдөрт дунджаар 150 удаа утсандаа хүрдэг байна. Тиймээс нүдний шил арчдаг нойтон сальфетка болон гар ариутгагчийг ашиглан утсаа ариутгаж, халдваргүйжүүлж байхыг зөвлөв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Энэ хичээлийн жилийн бүтцэд орсон өөрчлөлтүүд

Боловсролын сайд П.Наранбаяр анхны тушаалаараа хичээлийн шинэ жилийн бүтцийг баталсан байна. Нийслэл

2024-07-19

Наадмын өдрүүдэд зохион байгуулах арга хэмжээний нэгдсэн хөтөлбөр

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн манду

2024-07-07

Үндэсний их наадмаар барилдах бөхчүүдийн бүртгэл эхэллээ

Тулгар төрийн 2233, Их монгол улс байгуулагдсаны 818, Ардын хувьсгалын 103 жилийн ой, Үндэсний их ба

2024-07-07