Засгийн газрын өнөөдрийн хуралдаанаар шинэ жилийг тэмдэглэхгүй байх, сурагчдын амралтыг наашлуулах шийдвэр гаргалаа. Шийдвэрүүдийг танилцуулах үеэр тусгаарлалтад байсан нэг иргэн оргосон талаарх мэдээллийг Шадар сайд Я.Содбаатар өглөө.
Тэрээр “Арваннэгдүгээр сарын 2-ны өдөр Сэлэнгэ аймгийн нэгдсэн эмнэлэгт тусгаарлагдаж байсан нэг иргэн оргосон. Уг иргэн нь тусгаарлалтад ирээд 19 хонож байсан хүн.
Өмнө нь ОХУ-аас Монголын хил рүү 633 тэмдэгтээр хил зөрчиж ОХУ-ын талд баригдаад, хилийн солилцоогоор Монголын талд хүлээлгэж өгсөн иргэн юм. Арваннэгдүгээр сарын 2-ны өдөр Сэлэнгэ аймгийн нэгдсэн эмнэлгээс түүнийг оргосноос хойш тус аймгийн төвөөс 19 километрийн зай дахь Хараагийн гол гэдэг газраас албаны хүмүүс барьж, эргээд тусгаарлалтад оруулсан. Энэхүү иргэний шинжилгээний хариу бүгд сөрөг гарч байсан” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй