ДЭМБ олон улсын хэмжээнд ОНЦ БАЙДАЛ зарлах эсэхийг өнөөдөр шийднэ

2020-01-30 1436 0

Дэлхийн эрүүл мэндийн байгууллагын шуурхай хурал өнөөдөр болно. Хурлаар шинэ төрлийн коронавирүсийн халдварын тархалттай холбогдуулан олон улсын хэмжээнд онц байдал зарлах эсэх асуудлыг хэлэлцэнэ. 

Энэ талаар ДЭМБ-ын тэргүүн Тедрос Адханом Гебре “Коронавирүс хүнээс хүнд халдварласан тохиолдол Хятадаас өөр улс орнуудад бүртгэгдсэнд санаа зовниж байна. Хэдийгээр Хятадаас гадна бүртгэгдсэн тохиолдол харьцангуй цөөн байгаа хэдий ч халдварын тархалт өсөх боломжийг нэмэгдүүлж байна” гэжээ.

ДЭМБ-ын Онцгой байдлын хороо коронавирүсийн асуудлаар өнгөрсөн долоо хоногт шуурхай хуралдсан юм. Уг хурлаар олон улсын хэмжээнд онц байдал зарлахад хэтэрхий эрт байна хэмээн мэргэжилтнүүд үзсэж байсан юм. Тухайн үед коронавирус хүнээс хүнд халдварласан тохиолдол зөвхөн Хятадад бүртгэгдсэн байсан юм.

Өнөөдөр өглөөний байдлаар шинэ төрлийн коронавирүсийн халдвар авсан хүний тоо Хятадын эх газарт 7771 хүрч, нас барсан хүний тоо 170 болж нэмэгдсэн байна. Энэ нь 2003 онд дэгдсэн амьсгалын замын цочмог халтай хам шинжийн /SARS/ Хятадад бүртгэгдсэн тохиолдлын тоог давжээ.

Өчигдөр буюу лхагва гарагийн байдлаар дэлхийн 19 оронд илэрч, нийт 100 орчим тохиолдол бүртгэгдсэнээс хүнээс хүнд халдварласан байх магадлалтай тохиолдол Вьетнам, Япон, Германд тус тус бүртгэгджээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Имарт ‘‘Инновац, Сэргээгдэх эрчим хүч, Эрчим хүчний үр ашиг’’ сэдэвт олон улсын үзэсгэлэнд оролцлоо

Имарт хайпермаркет нь хүлэмжийн хийн ялгарлыг бууруулах зорилгоор нийгмийн хариуцлагын хүрээнд 2023

2024-05-17

7 хоногийн хугацаанд 28 сая төгрөгийг буруутай этгээдээр нөхөн төлүүлжээ

Эрүүл мэндийн даатгалын тухай хуульд заасны дагуу хохирсон даатгуулагчийн эрүүл мэндийн тусламж, ү

2024-05-16

Бурхан багшийн их дүйчин өдөрт зориулсан хүндэтгэлийн жагсаалыг зохион байгуулна

Бурхан багшийн их дүйчин өдрийг тэмдэглэн өнгөрүүлэх талаар Гандантэгчэнлин хийд болон буддын шашны

2024-05-16