Төрийн нарийн бичгийн дарга Н.Анхбаяр Казахстан улсын элчин сайд Ж.Адылбаевыг хүлээн авч уулзав

2020-09-19 670 0

Гадаад харилцааны яамны Төрийн нарийн бичгийн дарга Н.Анхбаяр Бүгд Найрамдах Казахстан Улсаас Монгол Улсад суугаа Элчин сайд Ж.Адылбаевыг 9 дүгээр сарын 18-нд хүлээн авч уулзав. Элчин сайд Ж.Адылбаев Төрийн нарийн бичгийн дарга Н.Анхбаярт үүрэгт ажилдаа орсонд нь баяр хүргэж, цаашдын ажилд нь амжилт хүсэв.

Төрийн нарийн бичгийн дарга Н.Анхбаяр Монгол, Казахстаны уламжлалт найрсаг харилцаа сүүлийн үед идэвхтэй хөгжиж байгааг тэмдэглээд түүх, соёлын гүн гүнзгий хэлхээ холбоотой манай хоёр улсын хамтын ажиллагааг цаашид улам өргөжүүлэх сонирхолтой байгаагаа илэрхийлэв.

Тэрээр мөн улс төрийн харилцааг бэхжүүлэх хүрээнд дээд, өндөр түвшний айлчлалын давтамжийг нэмэгдүүлж, хоёр талын худалдаа, хөрөнгө оруулалтын хамтын ажиллагааг идэвхжүүлэхийн чухлыг тэмдэглэв.

Элчин сайд Ж.Адылбаев Монгол, Казахстаны харилцааг бэхжүүлэх чиглэлд цаашид ч ГХЯ-тай нягт хамтран ажиллахаа нотлоод, хоёр улсын худалдаа, эдийн засгийн хамтын ажиллагаанд онцгой ач холбогдол өгч байгаагаа илэрхийлэв.

Түүнчлэн Казахстан Улс хоёр талын төдийгүй олон улс, бүс нутгийн түвшинд Монгол Улстай ойр дотно хамтран ажиллах хүсэлтэй байгааг тэмдэглэв. Талууд Монгол-Казахстаны Засгийн газар хоорондын комиссыг энэ ондоо багтаан зохион байгуулах чиглэлээр ярилцав.

ГАДААД ХАРИЛЦААНЫ ЯАМ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Ногоон автобустай холбоотой асуудлаар хянан шалгах түр хороо байгуулах саналыг МАН-ын бүлгийн 12 гишүүн дэмжсэн

УИХ дахь АН-ын бүлгийн хурлаар хэлэлцсэн асуудлуудын талаар тус бүлгийн дарга О.Цогтгэрэл мэдээлэл х

2023-11-27

Түгжрэлийн сайд асан Ж.Сүхбаатарыг яллагдагчаар татах саналыг прокурорт хүргүүлжээ

Сар тутам хийдэг мэдээллийн цагаар 2023 оны эхний 11 сард АТГ-аас хийж хэрэгжүүлсэн ажил, арга хэмжэ

2023-11-21

Л.Гүндалайгийн эхнэр Л.Аззаяа “Ард түмний хүч нам”-аа ДЭЭД ШҮҮХЭД БҮРТГҮҮЛЛЭЭ

УИХ-ын гишүүн асан Л.Гүндалай 2021 онд Ардчилсан намын гишүүнчлэлээ сэргээж, өөрийн байгуулсан “Ард

2023-11-21