Ардын хувьсгалын 99 жилийн ойн улсын их баяр наадамд ес даван түрүүлж, Монгол Улсын аварга цол хүртсэн Увс аймгийн Давст сумын харьяат П.Бүрэнтөгс ОБЕГ-ын харъяа “Аврагч” Биеийн тамир техник–Спортын хорооны даргаар томилогджээ.
Уг хороог өмнө нь Сэлэнгэ аймгийн Мандал сумын харьяат, Монгол Улсын аварга, дэд хурандаа Г.Эрхэмбаяр удирдаж байсан юм.
“Аврагч” Биеийн тамир техник–Спорт хороо нь 2009 онд Монгол Улсын Шадар сайдын 08 дугаар тушаалаар байгуулагдсан түүхтэй.
Сонирхуулахад, одоогийн байдлаар үндэсний бөхийн аварга цолтнуудаас дархан аварга Г.Өсөхбаяр Зэвсэгт хүчний “Алдар” спорт хороог, улсын аварга Н.Батсуурь ШШГЕГ-ын харъяа “Сүлд” спорт хороог удирдаж байгаа билээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй