БНХАУ-ын Төрийн зөвлөлийн гишүүн, Гадаад хэргийн сайд Ван И есдүгээр сарын 15-нд Монгол Улсад өндөр түвшний айлчлал хийх гэж байна.
Энэ талаар ГХЯ-ны Бодлого, төлөвлөлтийн газрын захирал Ш.Одонбаатар “БНХАУ-ын Төрийн зөвлөлийн гишүүн, Гадаад хэргийн сайд Ван И албан ёсны хэлэлцээ хийж, төрийн гурван өндөрлөгт бараалхана. Хоёр талын бүх салбарын хамтын ажиллагааг урагшлуулах, худалдааны салбарт үүссэн хүндрэл бэрхшээлийг даван туулахад чиглэсэн хэлэлцээ хийгдэнэ.
Энэ удаагийн айлчлал нь хоёр улсын хоорондын дээд өндөр түвшний айлчлалын давтамж хадгалагдахад гол зорилго нь оршиж байгаа.
БНХАУ-ын Төрийн зөвлөлийн гишүүн, Гадаад хэргийн сайд Ван И нь ОХУ, Киргиз, Казакстан улсуудаар айлчилсны дараа Монголд айлчилна.
Айлчлал эхлэхээс өмнөх 24-72 цагт хоёр талын айлчлалд оролцогч бүх хүмүүсийг PCR шинжилгээнд хамруулна.
Айлчлалд оролцсон болон тэдгээр хүмүүстэй харьцсан хүмүүсийг 14 хоногийн тусгаарлалтад оруулна гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй