Өчигдөр буюу есдүгээр сарын 9-ний өдөр Хөвсгөл аймгийн Жаргалант суманд хоёр хүнийг буудан амь насыг нь хороож, хэргийн газраас зугтсан хэрэг гарчээ.
Хэргийг тодруулбал, Хөвсгөл аймгийн Жаргалант сумын хоёрдугаар багийн нутагт гэр бүлийн хоёр хүн буудуулж нас барсан байжээ. Хэргийг шалгах явцад Хөвсгөл аймгийн харьяат 23 настай Б гэгч нь бэлчээрийн маргаанаас үүдэн 51 настай эрэгтэй Б, 51 настай эмэгтэй М нартай маргалдаж, улмаар ОХУ-д үйлдвэрлэсэн Сайга маркийн буугаар буудаж амь насыг нь хохироосон болох нь тогтоогджээ.
Хэргийн газраас зугтсан сэжигтэн этгээдийг эрэн сурвалжилж байгаа ба тэрээр биедээ хоёр галт зэвсэгтэй байж болзошгүй гэж мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй