“Microsoft” компанийг үүсгэн байгуулагч Билл Гейтс шинэ төрлийн коронавирүстэй тэмцэхэд БНХАУ-д дэмжлэг үзүүлэх зорилгоор буяны сангаасаа 5 сая ам.доллар хандивласан талаар China Daily сайт мэдээлжээ.
Билл Гейтсийн гэр бүлийн буяны сан шинэ коронавирүсийн халдварын дэгдэлтийг дарах ажилд оролцож буй Хятадын хувийн болон төрийн байгууллагуудтай идэвхтэй хамтран ажиллаж байгаа аж.
Хандивын мөнгийг халдвар авсан хүмүүсийг илрүүлэх, тэднийг тусгаарлах, эмчлэхэд мөн уг вирүсийн вакциныг гарган авах ажилд зарцуулах ажээ.
Тус буяны сан Африкийн орнуудад шинэ коронавирүсийн халдвар тархах эрсдэлийг хянах, бууруулах арга хэмжээ авахад зориулж 5 сая ам.доллар гаргасан гэж сангийн Хятад дахь салбарын тэргүүн Ли Ино мэдээлжээ.
chinadaily.com
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй