Ю.Цэдэнбал, А.Филатова нарыг цагаатгах хүсэлтийг шүүхэд хүргүүллээ

2020-08-27 1117 0

УИХ-ын дэд дарга С.Одонтуяа өнөөдөр БНМАУ-ын маршал Ю.Цэдэнбал, түүний гэргий А.Филатова нарыг Цагаатгалын тухай хуулиар цагаатгах тухай хүсэлтээ шүүхэд уламжилж байгаагаа мэдээллээ. 

Төр нийгмийн нэрт зүтгэлтэн Ю.Цэдэнбал, А.Филатова нарын нэр төрийг сэргээж, цагаатгах хүсэлт өнгөрсөн хугацаанд олон удаа ирж байсан ч өнөөдрийг хүртэл шүүхээс ямар нэгэн шийдвэр гараагүй байна.

Монгол Улсад ардчилсан тогтолцоо бүрдсэнээр, хүний эрх, эрх чөлөөг дээдэлж Цагаатгалын комисс байгуулсан. Уг комиссыг УИХ-ын дэд дарга С.Одонтуяа ахалж байгаа юм. 

Тэрээр “Төр нийгмийн нэрт зүтгэлтэн Ю.Цэдэнбал агсныг 1984 онд гадаадад нутаг заан цөлж, гэрийн хорионд байлгаж, эд хөрөнгө, тэтгэврийг нь хураасан баримт байгааг дурдаад, хүний эрхийг зөрчиж, хэлмэгдүүлсэн бүх бичиг баримттай нэг бүрчлэн танилцсаны эцэст шүүхэд хандаж байна.

Ю.Цэдэнбал агсныг түүх цагаатгасан ч албан ёсоор цагаатгасан шүүхийн тогтоол гараагүй. Тиймээс үнэнийг тогтоож шүүхээр шийдүүлэх, цаашид хүний эрх зөрчихгүй байх нөхцөлийг бүрдүүлэхэд онцгой анхаарах юм. Монгол Улсын шүүх шударгаар шийднэ гэдэгт итгэж байна” гэлээ.

Монголын нийгэм, улс төрд гавьяа байгуулж, тодорхой үүрэг гүйцэтгэсэн ч тэдний нэр төрийг сэргээж, цагаатгуулах талаарх хүсэлтийг өнгөрсөн хугацаанд маш олон удаа гаргаж байсан ч ямар нэг шийдвэр гараагүй байжээ. Цагаатгалын хуулиар 2020 оны арванхоёрдугаар сарын 31-ний өдрөөс хойш цагаатгалын асуудлаар шүүхэд хандах хууль эрх зүйн орчин байхгүй болж байгаа юм.

Цагаатгалын тухай хуулиар ирэх жилээс цагаатгалын асуудлаар шүүхэд хандах эрх зүйн орчин байхгүй болох юм. Өнгөрсөн хугацаанд шүүхээр нийт 31314 хүн улс төрийн хилс хэрэгт хэлмэгдсэн гэж цагаатгагдсан байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“UB palace”-ын газар “Хурд стандарт” ХХК буюу Б.Чойжилсүрэнд шилжжээ

Гитарчин Өөжгий буюу Д.Өлзий-Орших "UB palace-ыг буулгах болсон" тухай мэдээллийг нүүр номдоо бичсэн

2025-02-26

Д.Амарбаясгалан: Улиастай-Алтайг холбох авто замын төслийг эхлүүлснээр ачаа тээврийн урсгал, худалдааны эргэлт нэмэгдэнэ

Монгол Улсын Их Хурлын дарга Д.Амарбаясгалан, Улсын Их Хурлын гишүүн М.Мандхай нар Завхан аймгийн Ул

2025-02-20

Булган аймгийн ИТХ-ын төлөөлөгч асан С.Гал-Эрдэнэд хоёр жил хорих ял оноолоо

Булган аймгийн ИТХ-ын төлөөлөгч, тэргүүлэгчээр ажиллаж байсан “Хангай констракшн” компанийн удирдах

2025-02-11