Монгол Улсын Ерөнхийлөгч Х.Баттулга БНХАУ-д гэнэтийн айлчлал хийж, 30 мянган хонь “бэлэглэж” байгаагаа мэдэгдсэн юм. Харин Хятадын талаас 30 мянган хонийг намар амьдаар нь авах хүсэлт тавьсан билээ. Үүнтэй холбоотойгоор Ерөнхий сайдын 25 дугаар захирамжаар 30 мянган толгой хонь хүлээлгэн өгөх ажлын хэсэг ч гарсан. Тус ажлын хэсэг хоёр удаа хуралдаж зохион байгуулалт, төлөвлөгөөний талаар ярилцжээ. Улмаар 30 мянган хонийг хувааж, амьдаар нь хил гаргахаар төлөвлөөд байна.
БНХАУ-д өгөх 30 мянган хониноос эхний ээлжид 15 мянган хонийг хилээр нэвтрүүлэхээр төлөвлөжээ. Мөн дээрх хонийг Дорноговь аймагт худалдан авч, төвлөрүүлэх аж. Ингэхдээ вакцин, угаалгад хамрагдсан байх зэрэг шалгуур тавьж байгаа юм байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй