Нийслэлд 38 дотуур байранд 11000 оюутныг аравдугаар сарын 1-5-ны өдрүүдэд хүлээн авна

2020-08-24 956 0

ЭМЯ-аас хийж буй ээлжит мэдээллийн үеэр БШУЯ-ны Дээд боловсролын газрын дарга Г.Батнэмэх “Энэ хичээлийн жилд улсын хэмжээнд 150000 гаруй оюутан суралцагч суралцах тооцоо судалгаатай байгаагаас бакалаврын түвшинд 120000 оюутан суралцахаар байна. Засгийн газрын 32 дугаар тогтоолоор 2020-2021 оны хичээлийн жилийн сургалтын үйл ажиллагааг эхлүүлэх шийдвэр гарсан. Үүний дагуу бэлтгэл ажлыг хангах хүрээнд таван сайдын хамтарсан тушаал гарч, холбогдох газруудад чиглэл өгөн ажиллаж байна.

Коронавируст халдвар, цар тахлын үед их, дээд сургуулийн хичээлийг танхимын болон цахим хосолсон хэлбэрээр зохион байгуулахаар бэлтгэл ажлыг ханган ажиллаж байгаа. Оюутны элсэлт, хичээл сонголтын үйл ажиллагаа цахимаар явагдаж байна.

Их, дээд сургууль, коллежийн лекцийг есдүгээр сарын 1-ээс цахимаар эхлүүлэх бөгөөд аравдугаар сарын 5-аас танхимаар семинар лабораторийн хэлбэрээр явуулахаар болсон. Онолын хичээлийг 100 хувь цахим хэлбэрээр оюутанд хүргэж, семинар, лабораторийн хичээлийг 20-40 хүртэлх оюутантай явуулахаар зохион байгууллаа” гэв.

Мөн тэрээр “Улсын хэмжээнд үйл ажиллагаа явуулдаг 51 дотуур байранд 12,000 оюутныг хүлээн авах бэлтгэлийг хангасан. Үүнээс нийслэлд 38 дотуур байранд 11,000 оюутныг хүлээн авна. Дотуур байранд амьдрах оюутнуудыг аравдугаар сарын 1-5-ны өдрүүдэд хүлээн авна” гэж мэдээллээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Монголын хуульчдын холбоо О.Одбаярт туслахаа мэдэгдлээ

Өнөөдөр буюу 2025 оны хоёрдугаар сарын 7-ны өдөр Монголын хуульчдын холбооноос албан ёсны мэдэгдэл г

2025-02-07

Цасан шуурга шуурч, хүйтний эрч нэмж чангарах тул холын замд зорчихгүй байхыг анхааруулж байна

Хоёрдугаар сарын 5-нд нутгийн хойд хэсгээр, 6, 7-нд нутгийн зүүн хагаст цас орж, цасан шуурга шуурч,

2025-02-05

Нийслэлд 18:00-21:00 цагаас бусад цагт хог хаяхыг хориглолоо

Нийслэлийн хог хаягдлын ачилт, тээвэрлэлтийн үйл ажиллагааг сайжруулах зорилгоор 18:00-21:00 цагаас

2025-02-04