МХЕГ-ын дарга Т.Гантулга Элчин сайд Цай Вэньруйг хүлээн авч уулзлаа

2020-08-20 890 0

МХЕГ-ын дарга Т.Гантулга БНХАУ-аас Монгол Улсад суугаа Онц бөгөөд бүрэн эрхт Элчин сайд Цай Вэньруйг хүсэлтийнх нь дагуу өнөөдөр хүлээн авч уулзлаа. Уулзалтын эхэнд Элчин сайд Цай Вэньруй “Та олон салбарт хариуцлагатай алба хашиж, үр дүнтэй ажиллаж байсан. Таны энэ туршлага манай хоёр улсын хяналтын байгууллагын хамтын ажиллагааг улам өргөжүүлнэ гэдэгт итгэлтэй байна” хэмээгээд баяр хүргэж, амжилт хүслээ.

МХЕГ-ын дарга Т.Гантулга улсын байцаагчдыг сургах, мэргэшүүлэх сургалт зохион байгуулах болон технологийн эрин үед тэргүүлж яваа сайн туршлагатай орны хувьд мэргэжлийн хяналтын байгууллагын үйл ажиллагааг цахимжуулах ажилд онцгойлон анхаарч, хамтран ажиллахыг Элчин сайд Цай Вэньруйгаас хүслээ.

Мөн коронавируст халдвар /Covid-19/-ын үед хил дээрх хяналт маш чухал байгааг онцлоод энэ чиглэлд цаашид нягт хамтран ажиллах саналтай байгаагаа илэрхийлэв. Элчин сайд “Цар тахлын үед Монгол Улс тэр дундаа Мэргэжлийн хяналтын байгууллага тэргүүн эгнээнд маш сайн ажиллаж байгааг бид хүндэтгэн харж байгаа” гэлээ.

Уулзалтын үр дүнд мэргэжлийн хяналтын байгууллагын үйл ажиллагааг цахимжуулах болон улсын байцаагчдыг мэргэшүүлэх сургалтыг зохион байгуулах ажлын хүрээнд хамтран ажиллахаар санал нэгдэв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Тусгай хэрэгцээт боловсролын багш нарыг бэлтгэж байна

Боловсролын яамнаас хүүхэд бүрт чанартай боловсрол эзэмших эрх тэгш боломж бүрдүүлэн, тэгш хамруулж,

2024-10-09

ЦЕГ: Банк болон улсын бүртгэлийн газрын алба хаагчид нийлж мөрийтэй тоглоом зохион байгуулсан хэрэгт 7 хүнийг сэжигтнээр татсан

Нэр бүхий арилжааны банкны ажилтнууд, улсын бүртгэлийн газрын мэргэжилтнүүдтэй нийлж мөрийтэй тоглоо

2024-10-03

Нойтон цас орж, халтиргаа гулгаа үүсэх эрсдэлтэй замуудад хөдөлгөөн хязгаарлаж болзошгүй

Цаг уур орчны шинжилгээний газраас өнөөдөр буюу аравдугаар сарын 3-ны өдөр Булган, Сэлэнгийн зарим г

2024-10-03