Коронавируст халдварын нөхцөл байдлын талаарх ээлжит мэдээллийн үеэр ХӨСҮТ-ийн захирал Д.Нямхүү “ХӨСҮТ, ЗӨСҮТ, Дархан-Уул аймгийн лабораториудаар нийт 426 сорьцод шинжилгээ хийхэд 424-т нь вирус илрээгүй. 2 хүнээс вирус илэрлээ. Эдгээр хүмүүс нь Нурсултан-Улаанбаатар чиглэлийн тусгай үүргийн нислэгээр ирсэн 26, 31 настай эрэгтэй, эмэгтэй хүн байна.
Өнөөдрийн сайн мэдээ таван хүн эдгэрэн эмнэлгээс гарч, дараагийн шат руу шилжиж байна. 40 хоногийн хугацаанд эмчилгээ хийлгэсэн, 19-24 насны цэргийн сургуулийн оюутнууд.
Нийт батлагдсан тохиолдлын тоо 215, үүнээс эдгэрсэн 158 болж байна. Одоо ХӨСҮТ-д 57 хүн эмчлэгдэж байгаагийн 51-ийнх нь биеийн байдал хөнгөн, 6 хүн хүндэвтэр гэж үнэлэгдээд байна. Мөн 106 хүн ХӨСҮТ-д эмчилгээ, ажиглалт, тандалтад байна” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй