ЭМЯ-ы ээлжит мэдээлийн үеэр ХӨСҮТ-ийн захирал Д.Нямхүү “Өчигдөр ХӨСҮТ-ийн вирус судлалын хоёр лабораторид 314 хүний сорьцод шинжилгээ хийгдсэнээс 312 хүнд коронавирусийн халдвар илрээгүй. Хоёр хүнд нь илэрсэн.
Тодруулбал, Алтанбулагийн боомтоор орж ирсэн ОХУ-ын иргэн 66 настай, эрэгтэй жолооч, Франкфуртын онгоцоор ирсэн 80 настай эмэгтэйгээс коронавирус илэрсэн. Ингэснээр батлагдсан тохиолдлын тоо 206 болж байна. Үүнээс эдгэж гарсан хүн 139 байна. Өнөөдөр 20-37 хоног эмчлэгдсэн 7 хүн эдгэж, эмнэлгээс гарлаа.
Одоо ХӨСҮТ-д 67 өвчтөн байгаагийн 60 хүний биеийн байдал хөнгөн, 7 хүний биеийн байдал хүндэвтэр гэж үнэлэгдэж байгаа.
Сөүл-Улаанбаатарын онгоц шөнийн 02 цагт буусан. Энэ нислэгийн зорчигчдоос 5 хүнийг сэжигтэй гэж үзэн ХӨСҮТ-рүү шилжүүлээд байна” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй