Коронавируст халдварын нөхцөл байдлын талаарх ээлжит мэдээллийн үеэр халдварын тохиолдол дөрвөөр нэмэгдэж, Монгол Улс дахь батлагдсан тохиолдлын тоо 201 болсныг мэдээлэв.
ХӨСҮТ-ийн захирал Д.Нямхүү “ХӨСҮТ болон Дархан-Уул аймгийн лабораторид нийт 363 сорьцод шинжилгээ хийснээс 359-д нь коронавирус илрээгүй. Беларусийн иргэн, 33-59 насны дөрвөн тээврийн жолоочийн шинжилгээнээс коронавирус илэрлээ. Эдгээр хүмүүс Алтанбулагийн боомтоор орж ирсэн ба ХӨСҮТ-д авчран эмчилнэ.
Нийт батлагдсан тохиолдол 201 байгаагаас 127 нь эдгэрч дараа дараагийн шат руу шилжсэн байгаа. Өнөөдрийн байдлаар 74 хүн эмчилгээнд байна. Тэдний биеийн байдлыг үнэлвэл 69 хөнгөн, таван хүн хүндэвтэр байна. Мөн ХӨСҮТ-д 124 хүн тандалт, ажиглалтад байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй