14 дүгээр Далай Лам өөрийн сургааль, залбирлыг хөгжмийн аятай хослуулсан цомгийг ирэх сард гаргахаар болжээ. “Inner World” буюу “Дотоод ертөнц” цомгийг бүтээхэд таван жил зарцуулсан ба энэ нь түүний 85 насны ойд зориулагдаж байгаа аж.
Долоодугаар сарын 6-нд хүмүүст хүрч эхлэх цомог 11 аялгуут залбирал, сургаалиас бүрдэх юм байна. Цомгийн нэгдүгээрт бичигдсэн “Compassion” (Нигүүлсэл) бүтээлийг өчигдөр нийтэд урьдчилж тараасан юм.
“Хөгжмийн хүчийг ашиглан аз жаргалын эх үндэс болсон энэрэнгүй сэтгэлийн сургаалийг олон хүнд түгээх боломжтой” гэж Далай лам цомог гаргах болсон шалтгаанаа тайлбарлажээ.
Хоёр настайдаа 13 дугаар Далай ламын хойд дүрээр тодорсон гэгээнтэн 1959 онд Төвдөөс Энэтхэгт дүрвэн ирж, Хималайн нурууны Дарамсала сууринд 60 гаруй жил амьдарч байгаа юм. Түүнийг дагаж Төвдөөс 80000 орчим хүн ирж энэ нутагт суурьшсан гэдэг.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй