Коронавируст халдвараар өвчилсөн хүний тоо 13-аар нэмэгдэж, Монгол Улс дахь батлагдсан тохиолдлын тоо 161 боллоо. ХӨСҮТ-ийн ерөнхий захирал Д.Нямхүү “Тавдугаар сарын 27-ны өдөр дөрвөн лабораторид нийт 517 хүний сорьцод шинжилгээ хийлээ. Үүнээс 504 хүний шинжилгээнд коронавирус илрээгүй.
Харин 13 хүний шинжилгээнээс коронавирус илэрлээ. Үүнийг тодруулж хэлбэл, тавдугаар сарын 26-нд Москва-Улаанбаатарын онгоцоор ирсэн нэг оюутны давтан шинжилгээнээс, Алтанбулаг боомтоор 27-нд орж ирсэн 340 хүний 12-оос коронавирус илэрлээ. Тэдний 10 нь оюутан.
Нийт батлагдсан тохиолдол 161 болсноос 43 нь эдгэрсэн. Одоогийн байдлаар эмчилгээ хийлгэж байгаа хүмүүсийн 107-ийн биеийн байдал хөнгөн, 11 нь хүндэвтэр гэж үнэлэгдээд байна. ХӨСҮТ-д өнөөдрийн байдлаар 165 хүн байгаа. Бид 250 хүн хүлээж авч ажиллах хүчин чадалтай” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй