Засгийн газрын өнөөдрийн ээлжит хуралдаанаар УИХ-ын 2020 оны ээлжит сонгууль зохион байгуулах үеэр “COVID-19” цар тахлаас урьдчилан сэргийлэх зорилгоор 2 тэрбум 461 сая 641 мянган төгрөгийг Засгийн газрын нөөц сангаас гаргах тогтоол батлав.
Сонгогчдын санал авах байрыг ариутгах, халдваргүйжүүлэх, сонгогчид сонгуулийн байгууллагын болон мэргэжлийн байгууллагын ажилтныг хамгаалах хэрэгслээр хангах, тэдгээрийн томилолтод уг хөрөнгийг зарцуулах юм байна.
Мөн хувийн цэцэрлэг, ерөнхий боловсролын сургуулийн хувьсах зардлыг нь хүүхдийн тоонд үндэслэн 2019-2020 оны хичээлийн жилийн санхүүжилтийг олгохоор болов. Тогтоолын дагуу 157 ерөнхий боловсролын сургуулийн 46 мянга 783 хүүхдэд ногдох 18.8 тэрбум төгрөг, 529 цэцэрлэгийн 36 мянга 905 хүүхдэд ногдох 31.4 тэрбум төгрөг олгох аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй