Дэлхий нийтийг хамарсан цар тахал эхлэхийн өмнө уран нугараач А.Уранбилэг аяллын хөлөг онгоц дээр ажиллаж, Cirque du Soleil шоунд оролцож байжээ. Түүний үзүүлдэг үзүүлбэр жуулчдын сонирхлыг ихэд татдаг байжээ.
Гэвч коронавирусийн халдвар гарснаас хойш дэлхий даяар хөл хорио тогтож, хаашаа ч явах аргагүй болсон байна. Одоо тэрээр Италийн эрэг орчимд хөлөг онгоц дотроо хөл хорионы дэглэм зогсохыг 50 дахь хоногтоо хүлээн сууж байна гэж Euroasia агентлаг мэдээлжээ.
А.Уранбилэг “Бүгчим шахуу газарт байна. Азаар би жижигхэн хайрцагт ч биеэ оруулдаг үзүүлбэртэй хүн. Ахиад хэзээ тайзан дээр гарахаа мэдэхгүй байна. Дэлхий ертөнц дахин урлагийн тоглолт үзэхэд бэлэн болох цаг хэзээ ирэх бол” гэж бичжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй