ОХУ, БНТУ, БНЭУ-аас 1070 Монгол иргэнээ татан авчээ

2020-05-19 970 0

Улсын Онцгой комиссын шийдвэрээр энэ сарын 13-19-ний өдрүүдэд ОХУ, БНТУ, БНЭУ-аас монгол иргэдээ тусгай үүргийн нислэг болон газраар татан авлаа. Татан авалт бүрийн үеэр мэргэжлийн хяналтын байгууллагын улсын байцаагчид зорчигчдын биеийн халууныг хэмжиж, эрүүл мэндийн асуумж бөглүүлэн хяналт тандалт хийн коронавируст халдварын сэжигтэй зорчигчдыг ангилан ХӨСҮТ-д шилжүүлэн, бусад зорчигчдыг ажиглах байруудад тусгаарлалтад шилжүүлсэн байна.

Тухайлбал, Сэлэнгэ аймгийн Алтанбулаг боомтоор монгол иргэдийг татан авах үйл ажиллагаанд Буянт-Ухаа боомт дахь Хилийн Мэргэжлийн хяналтын албаны эрүүл ахуй, халдвар хамгааллын хяналтын таван улсын байцаагчийг нэмэлтээр ажиллуулан, нийт 393 зорчигчоос асуумж судалгаа авч, эрүүл мэндийн үзлэг,  тандалт хийсэн байна.

Мөн Буянт-Ухаа боомтоор ОХУ-аас ирсэн 340, Истанбул-Улаанбаатар чиглэлийн тусгай үүргийн нислэгээр ирсэн 179, нийт 519 зорчигчид Хилийн Мэргэжлийн хяналтын албанаас эрүүл мэндийн хяналт тавьж ХӨСҮТ-д 27 иргэнийг шилжүүлжээ.

Түүнчлэн 15, 16-ны өдрүүдэд НМХГ-аас 51 ТИР авто машины 51 жолоочид /30 монгол, 21 гадаад/ халдвараас сэргийлэх дэглэмийн дагуу хяналт тавин, 50 жолоочийг буцааж, 1 монгол жолоочийг 21 хоногийн хугацаатай тусгаарлажээ. 51 ТИР ачааны 929.1 тн импортын хүнсний болон хүнсний бус бараанд хяналт шалгалт хийгээд байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Имарт ‘‘Инновац, Сэргээгдэх эрчим хүч, Эрчим хүчний үр ашиг’’ сэдэвт олон улсын үзэсгэлэнд оролцлоо

Имарт хайпермаркет нь хүлэмжийн хийн ялгарлыг бууруулах зорилгоор нийгмийн хариуцлагын хүрээнд 2023

2024-05-17

7 хоногийн хугацаанд 28 сая төгрөгийг буруутай этгээдээр нөхөн төлүүлжээ

Эрүүл мэндийн даатгалын тухай хуульд заасны дагуу хохирсон даатгуулагчийн эрүүл мэндийн тусламж, ү

2024-05-16

Бурхан багшийн их дүйчин өдөрт зориулсан хүндэтгэлийн жагсаалыг зохион байгуулна

Бурхан багшийн их дүйчин өдрийг тэмдэглэн өнгөрүүлэх талаар Гандантэгчэнлин хийд болон буддын шашны

2024-05-16