ЭМЯ-аас коронавируст халдварын нөхцөл байдлын талаарх ээлжит мэдээллээ хийж байна. ХӨСҮТ-ийн захирал Д.Нямхүү хийгдэж буй шинжилгээ болон шинээр илэрсэн тохиолдлын талаарх мэдээллийг өглөө. Өчигдөр буюу 05 сарын 13-ны өдөр ХӨСҮТ-ийн хяналтад байсан эмэгтэй амаржиж охинтой болжээ. Уг эмэгтэй Сөүлээс ирсэн ба ажиглалтад байх явцдаа 2 удаа шинжилгээ өгөхөд СӨРӨГ хариу гарч байсан байна.
Д.Нямхүү “ХӨСҮТ болон Дархан-Уул аймаг дах лабораторид нийтдээ 375 хүнд шинжилгээ хийлээ. Мөн ачаа тээврийн машины 25 жолоочид шинжилгээ хийхэд коронавирус илрээгүй. Харин ХӨСҮТ-д тусгаарлагдаж байсан нэг иргэний давтан шинжилгээгээр коронавирус илэрсэн” гэв. Уг иргэн нь Франкфуртын нислэгээр ирсэн иргэн аж.
Мөн өчигдөр ирсэн сонсогчдоос шинжилгээ авахад 18 оюутнаас коронавирус илэрсэн гэж мэдээллээ.
Ингэснээр Монгол улс дахь батлагдсан тохиолдлын тоо 61 болж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй