Өчигдөр буюу 05 сарын 13-ны өдөр Оросын цэргийн тусгай үүргийн гурван онгоц 13:25, 15:10, 15:15 цагт “Чингис хаан” олон улсын нисэх буудалд газардаж Монгол сонсогчид эх орондоо ирсэн билээ.
Тус нислэгээр Москва, Санкт-Петербург, Новосибирск болон бусад хотуудад суралцдаг сонсогч, оюутан, зэвсэгт хүчний алба хаагчид нийлсэн 347 хүн эх орондоо ирсэн. Тэднийг ХӨСҮТ, Цэргийн төв эмнэлэг, Бага баян амралтын газар, Тоёоко инн зочид буудалд тусгаарлалтад аваад байна.
Тэгвэл өнөөдөр 09:20 минутад Стамбул-Улаанбаатар чиглэлийн тусгай үүргийн онгоц газардлаа. Энэхүү нислэгээр нийт 179 хүн эх орондоо ирж байгаа юм. Уг нислэгээр ирж буй зорчигчдыг хүлээн авч, асуумж тандалт хийх, ажиглалт, тусгаарлалтад шилжүүлэх ажил яг одоо хийгдэж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй