ЭМЯ-ны газрын дарга Я.Буянжаргал улсын хэмжээнд авч хэрэгжүүлж байгаа эмнэлгийн тусламж үйлчилгээний талаар мэдээлэл өглөө. Нэгдүгээр сарын 9-ний өдрөөс хойш нийтдээ 6235 иргэн ажиглалтад орж, иргэдийг амралт сувиллын газар болон зочид буудалд тусгаарлажээ.
Улсын хэмжээнд хорт хавдартай зургаан хүн, тав хүртэлх насны 40 хүүхэд ажиглалтад байна. Нийт 141 эмч мэргэжилтэн иргэдийн хамт тусгаарлагдаж байгаа бол гэрийн тусгаарлалтад 450 иргэн байна.
Эрчимт эмчилгээний тасгийн эмч мэргэжилтнүүдийн тоог нэмэгдүүлэх, аймгуудад эрүүл мэндийн нэгдсэн газар бүсийн оношилгоо эмчилгээний төвүүд бэлэн байдлаа хангаж байна.
Ойрын өдрүүдэд гурван удаагийн нислэгээр ОХУ дахь сонсогчид, Турк, Энэтхэг улсад байгаа иргэдээ татах ажлыг зохион байгуулна. Ажиллагаанд зориулж Орхон, Сэлэнгэ аймаг бэлтгэлээ хангаж байгаа аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй