ЭМЯ-аас коронавируст халдварын нөхцөл байдлын талаарх ээлжит мэдээллээ хийлээ. ХӨСҮТ-ийн ерөнхий захирал Д.Нямхүү “Өдрийн мэнд хүргэе. Өнөөдөр ХӨСҮТ-ээс нэг хүн эдгэрч, дараагийн шатны хяналт руу шилжсэнээр нийт 15 хүн эмчлэгдэж гарлаа. Одоо ХӨСҮТ-д 27 хүн эмчлэгдэж байна. Хоёр хүн эдгэрэх дөхсөн байгаа. Таван төрлийн шинжилгээг 2-3 удаа хийж, коронавирус илрээгүй тохиолдолд эдгэрсэн гэж үзэж дараагийн шатны хяналт руу шилжүүлж байна.
Нийт гурван лабораторид 80 хүний шинжилгээг хийсэн. Короновирус илрээгүй. Өнөөдрийн байдлаар ХӨСҮТ-д 102 хүн хяналт, ажиглалтад байгаа. Эмч нарын найдвартай хамтрагч алтан гартай, зөөлөн цагаан сэтгэлтэй бүх сувилагч, бага эмч нартаа баярын мэнд хүргэе” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй