Нийслэлийн Засаг дарга асан Э.Бат-Үүл өнөөдөр хэвлэлийн бага хурал зохион байгууллаа. Тэрээр удахгүй болох УИХ-ын ээлжит сонгуульд бие даан нэр дэвшихээр СЕХ-нд бүртгүүлсэн бөгөөд нэр дэвших эрхээ авахын тулд хуулийн дагуу тойргийнхоо сонгогчдоос гарын үсэг цуглуулж эхэлжээ.
Өмнө нь З.Энхболдын нэр дэвшсэн дурын тойрогт очиж өрсөлдөнө хэмээн мэдэгдээд байсан тэрээр өнөөдөр МАН-ын дарга У.Хүрэлсүх, генсек Д.Амарбаясгалан нарыг Баянзүрх дүүрэгт нэр дэвшиж өөртэй нь өрсөлдөхийг уриалж байх юм.
Үүнийхээ учрыг Э.Бат-Үүл “МАН-ын олигархиуд айлуудын хашааг ганц өрөө байрны үнэ хүрэхгүй мөнгөөр худалдаж аваад дээр нь барилга барьж, ашгаа хийдэг. Би тэрийг нь таслан зогсоож өөрийнхөө газар дээр өөрийнхөө орон сууцыг барих боломжийг нь олгосон.
Үүнд хорссон МАН гэр хорооллын барилгажилтыг зогсоож, намайг гэмт хэрэгтэн болголоо. Сонгуулийн дараа Д.Амарбаясгалангаа хотын дарга болгох юм гэнэ. Түүн шиг ЖДҮ-чин, хулгайчаар нийслэлчүүд удирдуулах болтлоо доошоо ороогүй шүү. Түүнийхээ оронд Баянзүрхэд ирээд надтай өрсөлд” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй