Урлагийнхан тэр дундаа хип хопчид биен дээрээ янз бүрийн өвөрмөц шивээс хийлгэж гангарцгаадаг. Тэгвэл Монголын дуучдаас хамгийн олон шивээстэй хүнээр реппер Gee тодроод байна. Хатуу үгтэй, гөжүүд төрхтэй реппер Gee одоогоос хэдэн жилийн өмнө бие дээрээ 12 шивээстэй байсан.
Түүний хоёр мөр, шуу, гар, цээж, нуруу, хүзүүний ар, дагз гээд шивээсгүй газар ховор. Гэхдээ түүний шивээсүүд зүгээр нэг гангараа биш тус бүрдээ гүнзгий утга агуулгатай гэнэ.
Нуруун дээрх шивээс нь түүний дууны дахилт шүлэг байдаг бол баруун гарын шуун дээрээ мөнгөнөөс хараат бус байна гэдэг агуулгатай шивээс хийлгэсэн аж. Өөрөөр хэлбэл оюун санааныхаа эрх чөлөөг мөнгөнөөс хамгаална гэсэн билэгдэлтэй гэнэ. Харин гаран дээрх шивээс нь “Айвал бүү хий, Хийвэл бүү ай” гэсэн зүйр үг.
Зүүн гарын шуундаа “Вуутанг” гээд сонсдог хамтлагийнх нь лого байдаг бол баруун мөрөн дээр нь “2рас”-ийн шивээс, нөгөө талд нь түүний бүлгийн лого, нэртэйгээ байдаг юм байна. Заримдаа тэрээр эдгээр шивээсээ харж зоригждог гэнэ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй