Гэрээсээ гарахдаа гар утсаараа автомашины зогсоол захиалдаг болно

2020-05-08 2154 0

Энэ тавдугаар сард эхлэх авто зогсоолын журмыг шинэчлэлийн талаар Нийслэлийн замын хөдөлгөөний төлөвлөлт, зохицуулалт, инженерчлэлийн газрын дарга С.Энхтөр танилцууллаа.

Нийслэлийн хэмжээнд нийт 570 орчим авто машины зогсоол байдгаас 75 нь төлбөртэй зогсоол байдаг.

Тэгвэл төлбөргүй зогсоолууд буюу нийтийн эзэмшлийн зогсоолд тухайн орчинд амьдардаг, ажилладаг хүмүүс автомашинаа удаан хугацаанд тавьж, төрийн байгууллагаар үйлчлүүлэх гэж байгаа хүмүүст зогсоол олдохгүй асуудал үүсдэг.

“Шинэчилсэн журмаар ажил төрлөө хөөцөлдөж буй иргэдэд зогсоол олдохгүй байхын зовлон байхгүй болно” гэж С.Энхтөр онцоллоо.

Одоо жолооч зогсоолд машинаа тавихдаа хаалтны наана зогсож, кноп даран тасалбар авч, гарахдаа төлбөрөө хийдэг бол шинэчилсэн журмаар жолооч гэрээсээ гарахдаа зогсоолоо захиалдаг болох юм.

1-р алхам: Жолооч гэрээсээ гарахдаа хотын хаана ямар зогсоол байна гэдгийг хараад гар утасны аппликейшнаар дамжуулан зогсоолын захиалгаа өгнө. Ингэхдээ хэдэн цаг зогсох хугацаагаа зааж өгөх юм байна.

2-р алхам: Захиалга өгсөн тохиолдолд зогсоолын ажилтнуудын пос машин дээр захиалгатай гэсэн шуудан ирнэ.

3-р алхам: Жолооч ирээд зогслоо, зогсоолын хажууд байгаа QR кодыг гар утсандаа уншуулаад цагаа эхлүүлнэ.

Нийслэлийн авто зогсоолыг гурван бүсэд хуваан үзжээ. Нэгдүгээр бүст төв орчмын зогсоолууд орох бол хоёр, гуравдугаар бүсүүдэд захын зогсоолууд багтах юм.

Нэгдүгээр бүст зогсоолын төлбөр өмнөхөөс тодорхой хэмжээгээр нэмэгдэх бөгөөд хоёр цагаас илүү нэг зогсоолд зогсоохыг зөвшөөрөхгүй аж.

Энэ тавдугаар сараас эхлэн хотын төвийн зогсоолуудыг энэхүү шинэ журамд шилжүүлнэ гэлээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Дорноговь аймагт 12 настай охиныг хулгайлж, амь насыг нь хохироосон хэргийг шүүхэд шилжүүллээ

Нийслэлийн прокурорын газраас Дорноговь аймагт 12 настай охиныг хулгайлж, амь насыг нь хохироосон хэ

2024-02-27

Улсын арслан М.Бадарчийн гомдол гаргасан шүүх хурал хойшилжээ

Монголын Олон Улсын ба Үндэсний Спортын Арбитрын шүүх байгууллагаас мэдээлэл хийлээ. Тус байгууллага

2024-02-23

С.Амарсайхан: Зуднаар үхсэн малын махыг зарах асуудал гарсан бол нийгмийн эрүүл мэндийн эсрэг гэмт хэрэгт тооцогдоно

Хаваржилтын нөхцөл байдал, хэрэгжүүлж буй арга хэмжээний талаар УОК-оос мэдээлэл хийлээ. Шадар сайд,

2024-02-22