“Фронт” Цэгмидийг‬ ‪ОХУ-ын төрийн дээд одонгоор шагнажээ

2020-05-06 685 0

Гуравхан хоногийн дараа аугаа их ялалтын баярын өдөр тохиох гэж байна. Дундговь аймгийн Сайхан-Овоо сумын малчин, өдгөө 98 насыг зооглож буй олноо “Фронт” С.Цэгмид хэмээн нэршсэн буурайг ОХУ-ын Төрийн дээд шагнал Бүх ард түмнүүдийн найрамдлын одонгоор шагнажээ.

Дэлхийн II дайны үед Монголын ард түмэн “Бүхнийг Фронтод” хөдөлгөөн өрнүүлэн Зөвлөлтийн улаан армид сэтгэлийн бэлэг, тусламж хүргэж өгч байсны амьд гэрч болон үлдсэн хүний нэг бол “Фронт Цэгмид” гуай юм. Тэрээр 18 настайдаа Монгол Улсын сайн малчин цолыг Маршал Х.Чойбалсангаас гардаж явсан ба аймгийнхаа 30 мянган хүнийг төлөөлөн эх орны дайны үед фронтод Монголын ард түмний бэлгийг хүргэлцэж явсан түүхтэй.

Тэр үед Монгол Улсаас Зөвлөлтийн улаан армид хүргэж өгсөн бэлгийн гурав дахь цувааны 30 орчим төлөөлөгчийн нэг болсон тэрээр Свердловскийн галын шугаманд арав орчим хоног байж Монголын ард түмнээс өгсөн дээл хувцас, арьс нэхий, мах, хүнсний зүйлсийг тараан өгч байсан гэдэг.

С.Цэгмэд фронтын тэргүүн шугаман дээр Улаан армийн дайчдын хамт.
1942 оны 12-р сар.

Түүний бүрэлдэхүүнд нь багтсан энэ цувааг БНМАУ-ын Ерөнхий сайд Маршал Х.Чойбалсан ахалж, 1942 оны 11 дүгээр сарын 26-нд Улаанбаатар хотоос гарч, 12 дугаар сарын тавны өдөр Москвад очин улмаар 217 вагон бэлгийн зүйлээ дөрөв хуваан дөрвөн хэсэг рүү явцгааж байжээ.

Аугаа Эх орны дайны ялалтын түүхт 75 жилийн ойг тохиолдуулан ОХУ баримтат кинонд “Фронт” С.Цэгмид гуайн дурсамжийг оруулах гэнэ.

С.Цэгмидийн хамт Хэнтий аймгаас Цэвэл, Архангай аймгаас Янжинлхам, Булганаас Долгор гээд нийт дөрвөн эмэгтэй эх орны дайны үед фронтыг зорьж байсан тухай түүхэнд тэмдэглэгдэн үлджээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Сурагчаа зодсон багшид 10 хоног баривчлах шийтгэл ногдуулжээ

Цахим орчинд 2024 оны дөрөвдүгээр сарын 14-ний өдөр ерөнхий боловсролын сурагчийн биед багш нь халда

2024-04-22

“Бэлтэс мөрөн” ХХК-д холбогдох хэргийн шүүх хуралдааныг ирэх сарын 1-нд нээлттэй хийнэ

"Бэлтэс мөрөн" компанийг үүсгэн байгуулагч нэр бүхий есөн иргэнд холбогдох эрүүгийн хэргийн шүүхийн

2024-04-19

Малчдыг малжуулах ажлын хүрээнд нийт 22 тэрбум төгрөг зарцуулахаар төлөвлөсөн

УИХ-ын пүрэв гарагийн нэгдсэн чуулганаар Уламжлалт мал аж ахуйд тулгамдаж буй уур амьсгалын өөрчлөлт

2024-04-19