Улаанбаатар-Сөүл-Улаанбаатар чиглэлийн ОМ-301 тусгай үүргийн онгоц 2020 оны 04 дүгээр сарын 30-ны өглөө “Чингис хаан” Олон улсын нисэх буудлаас хөөрлөө.
Улсын онцгой комиссын шийдвэрээр Буянт-Ухаа боомт дахь Хилийн мэргэжлийн хяналтын албаны Эрүүл ахуй, халдвар хамгааллын хяналтын 2 байцаагч тандалт хийхээр нислэгийн багт орж тус улсыг зорьжээ.
ОМ-301 нислэгээр нийт 224 зорчигч БНСУ руу явж байгаа юм байна.
Нийт зорчигчдын болон нислэгийн багийн бүрэлдэхүүний биеийн халууныг термо-камераар хэмжиж эрүүл мэндийн хуудас бөглүүлэн тандалт хийсэн ба энэ явцад халуунтай /+37 хэмээс дээш/, өвчний шинж тэмдэгтэй зорчигч илрээгүй гэж Буянт-Ухаа дахь Хилийн мэргэжлийн хяналтын албанаас мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй