ЭМЯ-аас ээлжит мэдээллээ хийх үеэр ХӨСҮТ-ийн ерөнхий захирал Д.Нямхүү 2020 оны дөрөвдүгээр сарын 28-нд ХӨСҮТ болон Монгол Улсын хэмжээнд коронавирусийн халдварын сэжигтэй тохиолдол бүртгэгдээгүй болохыг мэдээллээ.
Тэрээр “Дархан-Уул болон ХӨСҮТ-ийн хоёр, нийт гурван лабораторид 315 шинжилгээ хийхэд коронавирусийн халдвар илрээгүй. Энэ шинжилгээнд ХӨСҮТ-д тусгаарлагдсан -112, Цэргийн төв эмнэлгийн-2,
ажиглах байрны-25, /давтан шинжилгээ/, Дорноговь аймгийн Замын-Үүд суман дахь-6, SOS медикал эмнэлэгийн-1, тандалтын -111 хүний /Нийслэлийн дүүргүүд болон зарим аймгаас уушгины хатгалгаагаар өвчилсөн хүмүүст санамсаргүй түүврийн аргаар хийсэн/ шинжилгээ хамаарч байна.
Дархан-Уул аймагт 59, ХӨСҮТ-д 256 хүнд шинжилгээ хийсэн байна.
ХӨСҮТ-өөс тусгаарлалтын хугацаа нь дууссан 80 хүнийг шилжүүлэн гаргалаа. Мөн ажиглалтын байранд байсан 154 хүнийг дараагийн ажиглалтад шилжүүллээ” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй