УОК-ийн шийдвэрээр хөл хорионы хугацааг тавдугаар сарын 31 хүртэл сунгалаа

2020-04-28 976 0

Өнөөдөр болсон Улсын Онцгой комиссын 20-р хурлаар өндөржүүлсэн бэлэн байдлын хугацааг сунгах эсэх асуудлыг хэлэлцэж тавдугаар сарын 31 хүртэл сунгах шийдвэр гаргалаа.

Энэ талаар Эрүүл мэндийн сайд Д.Сарангэрэл өөрийн албан ёсны пэйж хуудсаар дамжуулан “Дөнгөж сая Улсын онцгой комиссын 20 дахь удаагийн хурал болж 5-р сарын 31-ийг дуустал “Гамшгаас хамгаалах өндөржүүлсэн бэлэн байдлын зэрэгт шилжүүлэх” хугацааг сунгалаа” хэмээн мэдэгджээ.

Мөн өнөөдрийн хурлаар зарим мэргэжлийн болон бусад танхимын сургалтын үйл ажиллагааг үе шаттай нээх, Сүхбаатар-Бичигт, Ховд-Булган боомтоор уул уурхайн бүтээгдэхүүн гаргах бэлтгэл ажил, гадаадад байгаа эх орондоо ирэх хүсэлтээ ирүүлсэн иргэдийг татан авах ажлын талаар хэлэлцсэн байна.  

УОК-ын дарга, Шадар сайд Ө.Энхтүвшин “…Сүүлийн үед халдвар авсан хүмүүсийн дотор эхний хоёр удаагийн шинжилгээгээр СӨРӨГ гарсан ч гурав дахь удаагийн шинжилгээгээр ЭЕРЭГ гарч байна. 14 хоногийн дараа ч илэрч байгаа нь вирус хэр хөнөөлтэйг харуулж байгаа юм.

Долоо дахь удаагийн эрсдлийн үнэлгээг хийхэд Монгол Улсад вирус тарах МАШ ӨНДӨР эрсдэлтэй гэж гарсан. Тиймээс гамшгаас хамгаалах өндөржүүлсэн бэлэн байдлын хугацааг 2020 оны тавдугаар сарын 31-ийг дуустал болгож сунгалаа. Ингэснээр олон улсын нислэгийг түр зогсоосон хугацаа мөн сунгагдаж байна.

Ойрын хугацаанд гурван нислэг хийнэ. БНСУ руу хоёр нислэг хийх бөгөөд нэг нислэг нь зөвхөн бусад улсаар дамжин ирэх иргэдийг татах юм. Хэдийгээр тусгай үүргийн нислэгт суух иргэдийг шинжилгээнд хамрагдсан байх шаардлагыг тавьж байгаа ч бусад орноос дамжин ирж байгаа иргэд шинжилгээ хийлгэж чадаагүй” гэв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Бурхан багшийн их дүйчин өдөр буюу энэ сарын 23-нд бүх нийтээр амарна 

Зуны тэргүүн сарын шинийн 15 буюу Бурхан багшийн их дүйчин өдөр энэ сарын 23-нд тохиож байна. Энэ өд

2024-05-21

Метроны шугам Толгойтоос Амгалан хүртэл 17.7 км урт үргэлжлэхээс 6.6 км нь газар доогуур хийгдэнэ

Улаанбаатар хотод их багтаамжийн нийтийн тээврийн хэрэгсэл буюу метро байгуулах төслийн зөвлөх үйлчи

2024-05-21

НӨАТ-ын сугалааны азтанууд лхагва гарагт тодорно

НӨАТ-ын урамшууллын сугалааны тохирлыг лхагва гарагт буюу 2024 оны тавдугаар сарын 22-ны 13:00 цагт

2024-05-20