Богд ууланд дахин түймэр гарчээ. Өнөөдрийн 11:00 цагт Нийслэлийн Онцгой байдлын газарт Хан-Уул дүүргийн арваннэгдүгээр хороо, Зайсангийн аманд модон дотор хөрсний шар өвс шатаж байна гэсэн дуудлага иржээ. Дуудлагын дагуу очиж ажиллан одоогийн байдлаар түймрийг цурманд оруулаад байгаа аж.
Богд ууланд гарсан түймэрт долоон га талбай шатжээ.
ИРГЭН та хавар, намрын хуурайшилттай үед:
-Цогтой үнс нурмаа битүү тагтай саванд хийх,
-Тамхи, шүдэнзний галыг ил задгай хаяхгүй байх,
-Дууссан асаагуураа хээр хөдөө ил задгай хаяхгүй байх,
-Ой, хээрт явахдаа оч баригчгүй машин техникээр зорчихгүй байх,
-Гэр сууц, хашаа хорооны гадуур түймрээс хамгаалах зурвас татах, -Шаардлагатай багаж хэрэгслийг бэлдэх зэргээр ой хээрийн түймрээс урьдчилан сэргийлж, өөрийнхөө болон бусдын амь нас, эрүүл мэнд, эд хөрөнгийг хамгаалахыг анхааруулж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй