ЭМЯ-аас коронавируст халдварын нөхцөл байдлын талаар ээлжит мэдээллээ хийлээ. ХӨСҮТ-ийн ерөнхий захирал Д.Нямхүү: “Өчигдөр 341 хүний шинжилгээ хийсэн. Тандалтын 11 сорьц, ХӨСҮТ-д тусгаарлагдсан 13 хүний давтан шинжилгээ болон эдгээр 341 хүнд коронавирус илрээгүй. Нийт 154 хүнд эмчилгээ, хяналт, тандалт судалгаа хийгдэж байна.
Өнөөдөр өглөөний 05:00 цагт Интермед эмнэлгээс нэг сорьц авчирч шинжилгээ хийж байна. 69 настай, 2 уушгиндаа хатгаатай иргэнд тус эмнэлгийнхэн түргэвчилсэн оношлуураар шинжилгээ хийхэд хариу нь ЭЕРЭГ гарсан. Шинжилгээг баталгаажуулахаар PCR шинжилгээг ХӨСҮТ-д хийж байна. Тухайн иргэний хүүхэд 1 дүгээр сарын 7-оос 2 дугаар сарын 7-нд Солонгост байж байгаад ирсэн. Үдээс хойш шинжилгээний хариу гарна.
Одоо тухайн иргэнийг болон ойрын хавьтал буюу эмнэлэгт хүргэж ирсэн 3 хүний хамт тусгаарласан байгаа. Мөн “Интермед” эмнэлэгт зааварчилгаа өгөн ажиллаж байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй